saassussineq
Arnaq saassunneqartoq - pinerluuteqartoq tigusarineqanngitsoq
Marlunngornerup pingasunngornerullu akornanni unnuami Nuummi arnaq aqqusiniinnarmi saassutsippoq. Politiit suliaq ''pimoorullugu'' tiguaat
Arnap tupaqqalluinnartup unnuap qeqqata missaani saassussineq nalunaarutigaa, saassussisoq angutaavoq kalaalerpasittoq. Nuummi tamanna pivoq.
Pinerluuteqartoq suli tigusarineqanngilaq, politiineersoq Mads Lynge ilisimatitsivoq.
Siullermik arnaq Qullilerfiup aamma Qapiarfiusaap eqqaani saassunneqarpoq, kisianni arnaq angutinit ikiorneqapallappoq. Pinerluttoq arpalluni qimaavoq.
Allamik saassussisoq
Pinerluuteqartoq arnamik allamik aamma saassusseqqippoq, taanna niaqqumigut qungatsimigullu ersarissunik ajoquserneqarpoq.
Suliaq pimoorullugu sulissutigigalugu politiit ilisimatitsipput, suliarlu misissorlugu ulapipput.
Arnaq saassunneqartoq unnuaq tupaqqangaarami pinerluuteqartoq oqaluttuarerpiarsinnaanngilaa.
- Taanna napparsimmaviliaaneqarpoq passunneqarlunilu. Kingunipiloqartussanik timimigut ajoqusersimanngitsoq nalilerneqarpoq, kisianni soorunami tarnikkut sunnertissimaqaaq, politiit Sermitsiaq.AG-mut ilisimatitsipput.
Politiit arnaq saassunneqartoq eqqissiimeriarpat kingusinnerusukkut oqaloqatiginiarpaat. Taamaammat politiit ujaasinermik kingusinnerusukkut Nuummi innuttaasunut ikioqqullutik nalunaaruteqarnissartik ilimagaat.
Misissuinermik qitiusoq
Arnaq angutinit ikiorneqarami ajoquserpiarnani saassunneqartoq politiit misissuineranni qitiusumik inissisimasinnaavoq. Taanna aappaluartumik nasaqarlunilu kavaajaqarnerarneqarpoq, politiillu taanna arnaq angutillu ikiuuttut attaveqarfigerusuppaat.
Nuummi innuttaasut allat aninissaminnut ersisariaqanngitsut, Mads Lyngep nalilerpaa.