Arnaq qiulertoq immamit qaqinneqartoq
Issittumi Sakkutuut, qatserisartut politiillu suleqatigiinnerisigut arnaq immamit qaqinneqarsinnaasimavoq.
Nuummi Nuutoqqami arnaq immamiittoq pillugu politiit nalunaarfigineqarput ataasinngormat nalunaaqutaq 13.45.
Sakkutuut umiarsuaat Lauge Koch aamma qatserisartut suleqatigiinneratigut arnaq immamit qaqinneqarsinnaasimasoq politiinit Gideon Quist Sermitsiaq.AG-mut ilisimatitsivoq.
- Arnaq qiulertoq qaqinneqarpoq. Tassanngaannit napparsimaviliaanneqarpoq, oqarpoq.
Arnaq 20-it missaannik ukioqartoq maannakkut qanoq innersoq oqaatigisinnaanngilaa, suliassaq politiinit naammassereernera pissutigalugu.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...