Skip to main content

Arnaq Nuummi imaanit annaallugu qaqinneqarsimasoq

Arnaq inuusuttoq Nuup Qinnguani imaanut nakkarsimasoq ataasinngormat ullaakkut annaanneqarsimavoq. Arnaq imaanit qaqinneqarami ajunngilaq napparsimmaviliaanneqarlunilu.

Politiit pigaartui ataasinngormat qulingiluanngoriitsiartoq inuk sissamut qanittumi imaaniittoq pillugu Nuummi innuttaasumit sianerfigieqarsimapput. Pigaartut pisortaat Nuunu Larsen Sermitsiaq:AG-mut taamatut ilisimatitsitsivoq.

Innuttaasup arnaq Nuup Qinnguata kangerliumarngani imaaniittoq takusimavaa. Innuttaasup taassuma Targa saneqqutsilersoq sianerfigisimavaa, angallammit tassannga arnaq imaanit qaqillugu ikiorneqarsimavoq.

vik K-Ostermann Greenland Cruisesimeersoq, Targamik saneqquttoq sianerfigineqarsimavoq, taassumalu arnaq imaanit qaqillugu ikiorsinnaasimavaa.

- Qinnutsinni umiatsialivimmiit Nuutoqqamut ilaasussanik aallerlunga ingerlaninnni angummit sianerfigineqarpunga, taannalu oqarpoq arnaq imaaniittoq iniminit tusaasinnaasimallugu. Angut sissamukarsimavoq, arnarli pineqartoq takusinnaasimanagu, Ivik K-Ostermann Sermitisaq.AG-mut oqaluttuarpoq. 

Nammineerluni Targamut qaqisinnaasimasoq

Sianerfigineqarami sissap tungaanut ingerlasimavoq, angullu sianersimasoq takusinnaasimallugu aamma arnaq qaarsumut qaqinialersoq takusinnaalersimavaa.

- Ornippara Targamut qaqeriarlugu Qinngutsinni umiatsialivimmut ingerlanniarlugu, tassunga niummat ambulancinit aaneqarpoq.

Arnaq Sanamukaanneqarpoq. Imaaniissimangaluarluni ajoqusersimanngitsoq, pigaartut pisortaat ilisimatitsivoq.

Pigaatut pisortaata imaanut nakkartoqarnerani susoqarsimanersoq paasisimannginnerarpaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER