Skip to main content

Arnaq maqaasineqartoq toqungasoq nassaarineqarsimavoq

Pauline Kleist Sisimiuni januaarip qaammataani tammaaneqalersoq nassaarineqarlunilu kinaassusersineqarsimavoq.

Sisimuni politiit toqungasumik siumuisoqarsimaneranik ullaaq nalunaarfigineqarsimapput, siumorneqarsimasorlu paasineqarpoq tassaasoq ujaarineqarsimasoq Pauline Kleist. Ilaqutaasut ullumi arnaq 69-inik ukiulik taannaasoq uppernarsarsimavaat.

Pauline Kleist januaarip 19-iani Sisimiuni Deichmannip Aqqutaatigoortoq kingullermik takuneqarsimavoq. Ilaatigut qulimiguulimmik ikiorteqarluni ujaasineq aallatinneqarsimavoq - kinguneqanngitsumilli.

Ataasinngorpat timaa misissorneqassasoq

- Aqangu timaata misissorneqarnissaa pilersaarutaavoq, misissuinerullu inernera aalajangiisuussaaq suliami qanoq pisoqaqqinnissaanut, Nuummi politiit pigaartuisa pisortaat Søren Bendtsen ilisimatitsivoq. Tassa ilisimaneqanngilaq arnap toquneranut pinerluuteqarsimaneq tunngaviunersoq.

Politiit ilisimatitsissutigaat, suliamut atatillugu allanik oqaaseqarsinnaanatik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER