Skip to main content

Arnaq Kalaallit Nunaannit iperagassaanngitsoq

Danmarkimi 21-inik kiattoq folketingimut ilaasortat aasaanerani sulinngiffeqalernissaminnut qilanaaleruttortut Christiansborgimi ilaasortat nukarlersaannit, naalagaaffeqatigiit avannarlersaanneersumit, tinnersarneqarput ersarissumillu oqarfigineqarlutik. – Arlaannarsiluunniit tusarnaarpa?

Folketingip ukiua naggataarlugu sivisoorsuarmik oqallinnermi akunnerit 12-t ingerlanereersut ilaasortat suli eqeersimaarnersut Aki-Mathilde Høegh-Damip misilippai, aviisi AG allappoq.

Kalaallisut oqaluppoq.

Ataasiaannarani, marloriarlunili.


– Kalaaliuvunga. Tamanna pissutigalugu aamma qallunaajusinnaanngilanga. Sunali pissutigalugu oqaluffarfimmit maannga nammineq oqaatsikka atorlugit oqalussinnaanngilanga? Taanna oqarpoq.

Taamaalilluni naggataarutaasumik oqallinnermi sivisoorsuarmi oqallorinnerpaamik eqqarsarnarnerpaamillu ilanngussinerit ilaanni suna pineqarnersoq erseqqissarneqarpoq, oqallinnerlu tamanna nunatta nalunaaqutaa malillugu unnuakkut aallartippoq, aqaguanilu unnussuarmut ingerlalluni.

Allaammi Aki-Mathilde annernarsinnaasumik uparuaasaraluartoq – ilaatigut qanga qallunaat Kalaallit Nunaanni ajortuliarisarsimasaanik – nersualaarneqartorujussuuvoq. Kristendemokratineersoq Jens Rohde nersualaarinninnersaavoq.


– Nammineq pisinnaatitaaffigisaminik saqqummiussillaqqinnersua assigiinngissuteqartugullu kimigiisernera nalissaqartinngilakka, taanna oqarpoq, Dickowillu erinarsugaa issuarlugu.


– Dickow erinarsorpoq »arnaq Aarhusimit aallarussinnaavat, arnalli Aarhus puigornavianngilaa«. Aki-Mathilde aamma taamaappoq. Kalaallit Nunaannik arsunneranik arsaarneqarsinnaanngilaq.

Arnaallunili naligiissitaanissamik pingaartitsilluartuulluni, ajunngitsumik isumaqarniarluni akkaatullu tulluusimaarpasissumik oqaaseqaatit taamaattut qanoq isumaqarfiginarpat? Dam-Høeghip ittuukujunnartoq tamanna oqaatsimik ataatsimik oqaasissaqarfigaa.


– Tupannguernarpoq, Rohdep nikaginnippasingajattumik illersueriarnera pillugu oqarpoq.

Allaaserisaq tamaat uani AG-imi atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER