Skip to main content

Arnaq inuusuttoq: Taamaammat Kalaallit Nunaannut uteqqinngisaannassaanga

Paarnannguaq Tobiassen angutaatinilu ineqarnikkut ajornartorsiuteqarnertik pissutigalugu Danmarkimut nuussimapput. Tamanna politikkikkullu 'torinngitsumik' ingerlatsieq pissutigalugit angerlamut nooqqinnissani takorloorsinnaanngilaa.

Paarnannguaq Tobiassenip angutaataatalu Knud Due Hansenip siorna apriilip qaammataani aalajangernerat annernarsimavoq. Ineqarnikkulli ajornartorsiuteqarnertik pissutigalugu Kalaallit Nunaannit allatut ajornartortumik aallartariaqarsimapput.

- Ilaquttat ikinngutillu qimallugit nunamillu inunngorfigisamik alliartorfigisamillu nuuttariaqarsimaneq annernarsimaqaaq, arnaq 27-nik ukiulik Sermitsiaq.AG-mut oqarpoq.

- Pitsaanerusumik inuuneqalerusulluni nuuttariaqarsimaneq akuersaaruminaassimavoq.

Maqaasisaqaraluaqalunili qularutiginngilluinnarpaa, eqqortumik aalajangernertik eqqortuusoq.

- Danmarkimut nuussimanerput sukkulluunniit peqqissimissutigisimanngilara. Politikkikkummi torinngitsumik ingerlatsineq tamatigut takugaangakku eqqarsartarpunga, Danmarkimut nuussimanerput ajunngitsuusoq.

Inissaarussimasut

Poilitikkikkut 'torinngitsumik' ingerlatsineq uterfigeqqissavarput, aallaqqaataaniilli aallartilaariarta.

Aappariit qimmiuteqarnertik pissutigalugu ineqarnikkut ajornartorsiuteqalersimapput, Nuummimi inigisaminni qimmeqaqqusaasimanngillat. Anisitaanissaminnik aarlerisaarneqarsimapput, ileqqaagaqaramilli marluullutillu naammaginartumik isertitaqartaramik neriuutigisimagaluarpaat namminneq inissaminnik pisiaqarsinnaanertik. Aningaaseriviulli taarsigassarsisikkusussimanngilai. Inissaarussinnaanertik pissutigalugu aalajangipallassimapput. Danmarkimi inissarsiutileqatigiiffimmut qinnuteqarsimapput inissarsillutillu, tamatumalu kingorna Nuuk qimassimallugu - namminneq oqarnerat malillugu nuuillutik nuussimapput.

Ilinniagaqalersimasoq

Danmarkimi aallartinneq oqitsuinnaasimanngilaq.

- Atorfiit 60-it sinnillit qinnuteqarfigisimavakka, Kalaallillu Nunaanni ilinniagaqareeraluarlunga suliffissarsisinnaasimanngilanga. Tamanna artornarsimaqaaq, piffissamilu tassani aningaasatigut artorsarsimaqaluta, Paarnannguaq oqaluttuarpoq.

Suliffissarsisinnaannginnami niuernermi aningaasaqarnermik ilinniagaqarniarluni aalajangiinnarsimavoq.

- Ilinniarusunnikuusara maanna ilinniagarilerpara. Danmarkimiinnermi iluaqutit ilagaat ilinniarfissanik periarfissaqarluarnera.

Paarnannguaq og Knud på altanen i deres lejlighed i Randers
Privatfoto

Angutaataa Knud, sanasutut ilinniagalik paarlatsitut atorfinissimavoq, maannali aamma ilinniagaqarluni aallartissimalluni. Aappariit Kalaallit Nunaannut uternissartik takorloorsinnaanngilaat.

- Maani inigissaarpugut, poitikkikkut patajaattumik ingerlatsisoqarpoq, ulluinnarni inuussutissat akikinneerarsuupput ilinniagassatullu periarfissat amerlanerullutik, maani suna tamarmi ataqatigiippoq, taamatut isumaqarpunga, Paarnannguaq oqarpoq.

Politikkerit innuttaasut ajornartorsiutaannik takunnissinnaanngitsut

Taamaalillut Kalaallit Nunaanni politikkikkut 'torinngitsumik' ingerlatsineq uterfigeqqipparput.

- Isumaqarpunga politikkerit akunnerminni pissaaneqarniuppallaartut innuttaasullu ajornartorsiutiviinik soqutiginninngitsut.

Paarnannguaq Tobiassenip innersuussutigaa, nammineq takunnissinnaanini naapertorlugu aningaasarsiat ineqarnermut akiliutinut, ulluinnarnilu inuussutissat akiinut naapertuutinngilluinnartut kiisalu inissiarpassuit aserfallassimanerat inigisat pitsaassusissaannut naapertuutinngitsut.

- Nukitik inuit inuuniarnikkut atugaasa pitsanngorsarneqarnissaannut atortariaqaraluarpaat, akerlianik torinngitsumik inuuneqartitsipput politikkikkullu allanngorarpallaamik ingerlatsillutik, taanna oqarpoq.

Paarnannguaq aamma Knud ilinniarnerminnik naammassinnikkunik Københavnimut nuunniarput, taassani inuunerminnik ineriartortitserusukkamik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER