Arnaq angummit aallaammik sakkulimmit sioorasaarneqartoq
Ataasinngornerup unnuaani Ilulissani arnaq aallaammik sioorasaarneqarpoq. Politiit angut kalaalerpaluttoq ujarpaat.
Arnaq ataasinngornerup unnuaani nalunaaqutaq 01.30 missaani Ilulissani Mathias Storchsvejimi inissiat akornanni angummit aallaassisartumit siooraasaarneqarpoq, KNR paasissutissiivoq.
Arnaq arpaannaq qimaavoq, aallaat itigartoorpaluttoq arlaleriarluni tusaareerlugu.
Ujaasineq
Pisoq nalunaarutigineqarmat politiit ingerlaannavik paasiniaalerput inuillu, angummik ilisimannissinnaasut qinnuigalugit saaffiginneqqullugit. Angut 170-175 centimeterinik angissuseqarpoq, tungujortumik kavaajaqarluni, koorpoqarluni aammalu aappalaartumik imaluunniit sungaartoq aappaluaartumik nasaqarluni, KNR allappoq.