Arnap tammaaneqartup toqunerani pinerluttoqarsimanngilaq
Arnaq 69-inik ukiullip Sisimiuni januarimi tammaaneqartoq, sumiissusersineqareersorli, qanoq toqusimanersoq politiinit paasineqarpoq. Toqunerani pinerluttoqarsimanngitsoq, politiinit ilisimatitsissutigineqarpoq.
Pauline Kleist Sisimiuni 19. januar tammaaneqarmat pinerluttoqarsimanngitsoq qulakkeerneqarpoq.
Kalaallit Nunaata Politiivi toqungasup timaanik 22. februar misissuereerlutik taama inerniliipput.
- Timip toqungasup ippassaq 22. februar misissorneqareernerani politiit inerniliipput, arnap tammaaneqartup toqunerani pinerluttoqarsimanngitsoq. Kalaallit Nunaata Politiivisa suliaq taamaattumik naammassillugu matuaat, politiit ilisimatitsipput.
Arnap toqungasup timaa arfninngormat 20. februar ullaakkut siumorneqarpoq. Arnaq pineqartoq qaammatip missaa tammaaneqarsimavoq.
Pauline Kleist uumatillugu kingullermik takuneqarpoq marlunngornermi januarip 19-ani, nalunaaqutaq 15.00 missaani, Sisimiuni aqqusinikkut pisuttoq.
Kalaallit Nunaata Politiivisa ilisimatitsissutigaat suna toqqutaasimanersoq, ilaqutaasut eqqarsaatigalugit, ilisimatitsissutigineqassanngitsoq.