Arnap siorasaarisimasup pineqaatissinneqarsimanerminik suliareqqitassanngortitsinera angusaqarfiunngitsoq
Qaasuitsup Eqqartuussiviata Ilulissani arnamik aallaasersortumik siorasaarisimasutut qaammatini arfineq-pingasuni pinerluuteqarsimasut inissiisarfianiittussanngortillugu pineqaatissiisimanera, pingasunngormat Nunatta Eqqartuussisuuneqarfiata atuuttussanngortippaa.
Qaasuitsup Eqqartuussiviata arnamut 50-it missaannik ukiulimmut qaammatini arfineq-pingasuni pineqaatissiisimanera, pingasunngormat Nunatta Eqqartuussisuuneqarfiata atuuttussanngortippaa.
Arnaq 2017-imi novembarip qaammataani Ilulissani politiimut inunnullu allanut marlunnut siorasaarisimavoq.
Taamani ajoqusertoqanngilaq, politiilli aatsaat sioorasaaralutik igeriarnerisa kingorna arnap aallaat iperarsimavaa politiinillu tigusarineqarluni.
Taamaammat arnaq sioorasaarisimasutut pisortanilu sulisumik assuarnartuliorsimasutut pineqaatissinneqarpoq.
Kalaallit Nunaata Politiivini unnerluussisussaatitaaneq Tobias Berg taama nalunaaruteqarpoq.
Arnaq tigusarineqarnerminiilli tigummigallagaasimanera peqqutigalugu pineqaatissinneqareernermi kingorna iperagaavoq.