Arnannguaq Gerstrøm ilaqutariit suliffeqarfiutaannit tunuartoq
Pisortaq konservatoriami ilinniarsimasoq, suliffeqarfimmi nussuinermik assartuinermillu suliaqartumi Usisaammi pisortatut tassanngaannaq tunuarpoq.
Arnannguaq Gerstrøm ilaqutariit suliffeqarfiutaanni Usisaammi pisortaajunnaarpoq. Aviisi Sermitsiaq allappoq.
Taassuma e-mail adressiani nammineq akisartumi tamanna atuarneqarsinnaavoq, tassani naatsumik nalunaaruteqarpoq, Usisaammi pisortatut taamaatissimalluni, qatanngutiminullu Minik Gerstrømimut, suliffeqarfimmi pisortap tullersortaanut innersuussilluni.
Minik Gerstrømip qatanngutini pisortatut taamaatissimasoq, Sermitsiamut uppernarsarpaa:
– Ilumoorpoq, kisianni annilaartartortaqartissanngilat. Arnannguaq taamaallaat nutaamik misileerusuppoq. Tassa oqaatigisinnaasakka tamarmik. Tamakkununnga piffissamik tulluartoqanngisaannarpoq – aqutsisuuneralu maqaasissavara, tassami maanna Industrivejimit nutsernerup immikkoortua siulleq ulapputigileruttorparput, Minik Gerstrøm nassuiaavoq, Usisaammi siulersuisut oktobarip naanerani siunissami aqutsinerup aaqqissuussaanera aalajangiiffiginiarlugu ataatsimiissasut taassuma ilisimatitsissutigaa.
Allaaserisaq tamaat uani Sermitsiami pisiarisinnaasanni atuaruk: