Skip to main content

Arnannguaq Gerstømip nipilersorneq inuillu uummateqarfigai

Arnannguaq Gerstrøm Kalaallit Nunaanni qarlortartartutut ilinniagaqarsimasut kisiartaraat. Nipilersorneq pingaartilluinnagaraa, nammineerluni nipilersoruni imaluunniit meeqqat angerlarsimaffianni najugaqartunik ilinniartitsiguni apeqqutaatinnagu

Arnannguaq inooqatigiinnermut angisuumik uummateqarpoq nipilersornerlu piffissap, inissisimaffiup inooqatigiinnermilu inissisimaffiup qaangernissaannut sakkutut pitsassuartut isumaqarfigalugu.  

- Nipilersorneq inuit akornanni qanorluunniit atugaqarneq apeqqutaatinnagu attaveqaammik pilersitsisarpoq, inuunermullu alutornarluinnartumik uppernarsaataalluni. Meeqqanik meeqqat angerlarsimaffianni najugaqartunik ilinniartitsigaangama allaanerussuteqartitsisutut misigisimasarpunga. Meeqqat nipilersorneq aqqutigalugu ersersitsisinnaaneq ilinniartarpaat nipilersoqatigiinnullu ilaasarlutik, imminnullu tusarnaartarlutik inissaqartittarlutillu. Taakkunani pisortanik, naatsorsuuserisunik eqqiaasunillu nipilersoqateqartarput. Nipilersornerup nipilersoqatigiinnerullu assigiinngissutsit tamaasa atorunnaarsittarpaat. Ilorlikkut nukissaqalersitsisarpoq ataqatigiilersitsisarlunilu, nipilersornermit oqaatsit atunngilluinnarlugit ersersinneqartartunik, Arnannguaq Gerstrøm oqarpoq nangillunilu:
 
- Nipilersornerup silarsuaq tamaat soorunami allanngortissinnaanngilaa, kisianni maani nunatsinni inuiaqatigiinni taanna uanga allaanerussuteqartitseriaaseraara, Arnannguaq oqarpoq. 

Arnannguaq ueqarpoq sisamanillu meeraqarluni. Nukarliit marluk tallimanik arfineq-pingasunillu ukioqarput, taavalu tamatuma saniatigut 19-inik 21-nillu ukiulinnik angerlarsimaffimmit nooqqammersunik meeraqalersimalluni. 

- Suut tamarmik ataqatigiissinnissaat ilaanneeriarluni ajornakusoorsinnaasarpoq. Uiga Lars Posborg Andersen ingerlatsinermi pisortatut angalasorujussuusarpoq. Taamaattumik meeqqatta angalasarnerujussuaq sungiusimalluarpaat. Larsilu marluulluta immitsinnut inissaqartinnissaq ikorfartoqatigiinnissarlu pikkoriffigisorujussuuarput, aamma suliassat tungaatigut. Taamaanngippammi ajornarluinnassagaluarpoq. Lars qujanartumik Nuuk Byorkesterimut ilaavoq. Taamaalilluni tamanna sunik tamanik ajornannginnerulersitsivoq, ajornanngikkaangallu meeqqat ilagisarpavut, Arnannguaq Gerstrøm oqarpoq.

Arnannguamik ilisarititsineq aviisimi Arnanumi atuarneqarsinnaavoq. Aviisi pisiniarfinni pisiarineqarsinnaavoq, imaluunniit aamma ataani pisiarineqarsinnaalluni

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER