Arnanik isiginnaartitseqataarusuttunik Aalborgimi isiginnaartitsisarfik pissarsiorpoq

Aalborgimi kalaallit arnartaat pillugit Aalborgimi isiginnaartitsisarfik ukiaru isiginnaagassiussaaq. Isiginnaagassiaq 'Kalaallit Aalborgimittut - Grønlændere i Aalborg'-imik qulequtaqartinneqassaaq.

Taamaattumik isiginnaagassiami peqataarusussinnaasunik pissarsiortoqarpoq. Isiginnaartitsinissamut peqataasoqarnissaa piumasaqaataanngilaq.

- Kalaallit Nunaanni inunngorsimasunik, najugaqarsimasunik sulisimasunilluunniit pissarsiorpugut. Kisianni aamma Kalaallit Nunaannut attuumassuteqartunik pissarsiorpugut. Kalaallit Nunaat pillugu misilittagarisatik oqaluttuarissavaat. Marloriarluni ilisimatitsissuussutimik ataatsimiittoqassaaq. Isiginnaagassiaq qanoq iluseqarnersoq ikiueqataassapput.

Aalborgimi paasissutissiisumik ataatsimiinneq
Tamassami Aagademi Aalborg Teaterimi ataatsimiittoqassaaq sisamanngorpat nalunaaqutaq 16.00 aamma nalunaaqutaq 19.00.

Kalaallit arnat Aalborgimi najugaqartut pillugit isiginnaagassiaasussaavoq, aaqqissuisunit nalunaarutigineqarpoq:

'Kalaallit Nunaat aputaavoq, sikuuvoq aamma Juullip Inua tassani najugaqarpoq. Qimusserluni upalungaarsuisoqartarpoq aamma Dronning Margrethe kalaallisooqarpoq. Immiaaraqarpoq, Namminersorlutik Oqartussat ingerlalluanngilaq imminullu toquttartut nunarsuarmi amerlanerpaapput. Aalborgimi aamma Kalaallit Nunaat takuneqarsinnaavoq. 1300-t missaanniittunik kalaaleqarpoq. Ilinniarsimasuupput, sulinermik misilittagaqartuupput, suliffissaaleqisuupput suliffissarsiortuullutillu. Maannakkut najugaqarfigisaat 50-eriaammik mikineruvoq. Danmarki Kalaallit Nunaannut sunniuteqartorujussuuvoq, pitsaasunik pitsaannginnerusunillu. Kalaaliulluni Aalborgimi najugaqartuulluni qanormita ippa? Tamanna isiginnaagassiarineqassaaq.

Arctic Business Networkip aamma Sermitsiaq.AG-ip suleqatigiinneratigut allaaserineqartoq ilanngunneqarpoq. Arctic Business Network annertunerusumik uani atuaruk