Arnamik annaassereernermini politiassistenti nersorneqartoq

Arnaq Nuummi Iggiaani umiatsiaatileqatigiiffiup eqqaani imaanut 6. februar 2021 nakkarmat, politiassistent Aputsiaq Hansen nangaarianngivilluni iliuuseqarpoq, sikumullu aqqariarluni arnaq imaanit qaqillugu.

Redningsmedailleselskabet Aputsiaq Hansenip iliuuseqajaarsimanera pillugu maanna nersorinnipput.

Aputsiaq Hansen Redningsmedailleselskabetimiit tammajuittussamik diplomimillu sisamanngormat tunineqarpoq..

Kalaallit Nunaata Politiivi taama tusagassiorfinnut nalunaaruteqarlutik allapput.

- Suliat pillugit akissarsitinneqarneq ataqqinaataavoq angisooq. Akissarsitinneqaqqaarama uannut persuarsiornartorujussuuvoq, taamaammat nersorniarneqaqqinnera uannut isumalerujussuuvoq, politiassisten Aputsiaq Hansen oqarpoq.

Suleqatinit siorna nersorniarneqartoq

Politiassistent Aputsiaq Hansen arnamik annaassisimanini pillugu Kalaallit Nunaata Politiivinit siorna nersorneqarpoq akissarsitinneqarlunilu.

Kalaallit Nunaata Politiivisa akissarsititsinerup saniatigut Aputsiaq Hansen nersorniarneqarnissaanut Redningsmedailleselskabetimut innersuussimavaat. Redningsmedailleselskabetip inuit inuunerminnik navianartorsiornissartik pinnagu navialisunik annaassiniartartut nersortarpai.

6. februar 2021-mi annaassiniarsimanini Aputsiaq Hansenip ima oqaaseqarfigaa:

- Eqqarsarsimavunga qanoq iliuuseqartariaqavillunga. Sikukkut saatsukkut ingerlasinnaaneq misilittagaqarfigereerakku sikukkut paarngorlunga arnamik annaassiniarnissannut aalajangernissara uannut ajornanngitsunnguuvoq.