Skip to main content

Argentinamut unamminerup kingorna aningaasat 26-eriaammik amerlillugit utertippai

Maniitsumi Oddsetimik eqquiniaasut marluk eqquillualaavipput, amerikap nunavissuani pissartanngorniunnermi pingasunngormat Kalaallit Nunaata Argentina ajugaaffigimmagu

Maniitsumi Jørgen Peter Petersen Oddsetimi 50 koruuninik eqquiniaagami 1.300 koruuninik eqquivoq.

Taanna assammik arsarnermik soqutiginnittut ikittut ilagaat, pingasunngormat Kalaallit Nunaata Argentinamut ajugaanissaanik ilimaginnissimasut.

Bookmakerit naliliisimapput 50 koruuninik eqquiniaaguni eqquillunilu aningaasat 26-eriaammik amerlillugit utertissinnaagai.

Kalaallit Nunaata ajugaanissaa taama ilimagineqanngitsigisimavoq.

Jørgen Peter Petersenip ilimagisani eqqoriarsimavaa, ullumi Sermitsiaq.AG-mut taamatut oqarpoq.

Ingerlaqqikkusupput

– Ilimagisimagaluarpara kalaallit VM-imut anngukkumaartut, taamaattumik kalaallit nunanut allanut unammisartut ajugaanissaat eqqoriarsimavara.

50 koruuniinnarmik eqqoriaagavit tamanna peqqissimissutiginngiliuk?

– Aap, maanna tamassuma qaangiutereernerani imatorsuaq peqqissiminngilanga.

Atuartartut ikiuupput

Pingasunngormat quppernermik uani ujarlerpugut inunnik, assammik arsarluni unamminermi Kalaallit Nunaata ajugaanissaanik eqqoriaasimasunik.

Iluatsitsivugullu.

Atuartartunit ilisinnit nalunaarfigineqarnerput pissutigalugu Jørgen Peter Petersen, Maniitsumilu Oddsetimik eqquiniaasimasoq alla Nikolaj S. Nielsen, sukkasuumik attaveqarfigaavut.

Kingulleq apersorneqarumasimanngilaq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER