assammik arsarneq

Argentinami tupinnartuliaq

Angutit nunanut allanut unammisartut Argentinamut ajugaanerat nunarsuarmi håndboldernerup silarsuaani akisuatitsissaaq

Argentinamut ajugaanerup kingorna nuannattut
Kalaallit Nunaata angusaani annersaasoq - OL-mut peqataasussanut ajugaaneq
Grønlands Håndbold ForbundKalaallit Nunaata angusaani annersaasoq - OL-mut peqataasussanut ajugaaneq Grønlands Håndbold ForbundArgentinamut ajugaanerup kingorna nuannattut Grønlands Håndbold Forbund Grønlands Håndbold ForbundKalaallit Nunaata angusaani annersaasoq - OL-mut peqataasussanut ajugaaneq Grønlands Håndbold ForbundArgentinamut ajugaanerup kingorna nuannattut Grønlands Håndbold Forbund Grønlands Håndbold Forbund

Kalaallit Nunaat unamminerup aallartinnginnerani tamaviaartariaqarpoq. Chilemut ajorsangaatsiarneq peerneqartariaqarlunilu suli annernalaarpoq.

GOG-p målmandia Frank Mikkelsen ullormi eqqissisimaarfiusumi marlunngornermi Argentinamut tikimmat, kalaallit unammisartuisa akornanni neriulluarneq annertusingaatsiarpoq. Taanna sapaatiummat katippoq, taamaalillunilu unamminerni kingullerni pingasuni peqataanngilaq.

Atuaruk: Kalaallit nunanut allanut unammisartut oqaluttuarisaanermut ilannguttumi ajugaasut

Argentina nunani tamalaani assammik arsallammassuit
Argentina 1997-imili nunarsuarmi pissartanngorniunnernut peqataajuaannarpoq. 1979-imili Amerikap nunavittaani pissartanngorniunnernut peqataasarpoq.

Argentina Amerikap nunavittaani pissartanngorniunnerni arfinilinnik kuultinnannikuuvoq, sisamanillu sølvinnannikuulluni. Argentina kisimi Cubamit qaangerneqaqqavoq, taakku arfineq-pingasunik kuultinnannikuummata.

Argentina VM-ertoqarnerani Sverige ajugaaffiginikuuaat, Danmarkimullu naligiinnikuullutik. Mellemrundemullu arlaleriarlutik anngunnikuupput.

Argentinap unammisartui pitsaanerpaat sæsonini amerlasuuni Europami unammisartuupput. Tamannali oqaluttuaannanngorpoq. Tassami Kalaallit Nunaat ilimagineqanngitsut tupaallatsitsillutik pingasunngornermi unnukkut 25-23-imik ajugaapput, tassani unammeqataasut arsarluarput.

Tamanna assammik arsarluni angusani ataasiakkaani angusat annersaraat.

Unamminerup ingerlarnga
Buenos Airesimi TV-ikkut assini kalaallit erfalusui pingasut ersareqaat. Pissartanngorninnerit annertuut pinerini pisarnertut, kikkut tamarmik takuniassammatigit nivinngarneqarsimapput.

Kalaallit isiginnaariat angalaqataasut amerlanngitsut, unamminerup aallartinneranit nuannaarutissaqalerput, naak ajornakusoorpasikkaluartoq.

Aqqalu Ingemann isuanit siullermik pingaarutilinnik isertitsivoq, 4-4, aammalu Kalaallit Nunaat 6-5-imik siuartippaa. Minutsit ingerlanerini unammineq naligiiffiuleraluttuinnarpoq, 7-7, 8-8 aamma muminnermi 12-12.

Immikkoortut aappaat
Argentinamiut unamminerup immikkoortuata aappaata aallartinnerani måliniittoq taarserpaat. Taakku isersimaqqaartittagaat Mathias Schulz, Fernando Garciamit paarlanneqarpoq, taanna kusanartuni annaassisaqattaarpoq.

Tamannali Argrrntinamut iluaqutaanngilaq, tassami Kalaallit Nunaata måliani Frank Mikkelsen nikorfavoq. Kalaallit Nunaat tassanngaannaq målinik pingasunik siuarpoq, 15-12.

Argentina unamminermi angummateqqippoq. 15-15-erlutik naligiilerput. Sungiusaasoq Niels Mølleri unikkallartitsivoq. Arlaatigut aaqqiisoqartariaqarpoq. Kalaallit Nunaat tupaallatsitsilluni ingerlalluaqqilerpoq.

18-17, 19-17 aamma 20-17. Målinik pingasunik siuaqqaneq utertinneqaqqippoq. Akutaaneq Kreutzmann malunnaateqalerpoq, piffissamilu sivisuumi unammilluarluni. Minik Dahl Høeghip unamminerni siuliini pingasuni unammilluarnini nangippaa.

Atuaruk: Chile qularnaatsumik ajugaavoq

Lars Olsen, Karl Frederik Frederiksen aammalu issiavimmiittut sapinngisartik tamaat sukataarput.

Argentinarmiut periusissaarukkiartuinnarput. Periarfissamik ammartoqavinngippat isertitseriarusunnatik.

Unamminerup aallartinnerani Frank Mikkelsen ilisimanngilaat, kisianni ilikkarpaat. Unamminerup naammassinissaanut minutsit tallimaannanngortut Kalaallit Nunaat målinik sisamanik 22-18-imik siuaqqavoq. Tamanna ajutoorfiusinnaanngilaq. Ajutoorfiunngilarlu.

Kalaallit unammisartut noqitsipput, unamminerlu 25-23-imik naammassivoq, sekundinilu kingullerni perulluliorfiuvoq.

Kalaallit målertut:

  • Akutaaneq Kreutzmann 8
  • Nuuno Lars Olsen 4
  • Aqqalu Ingemann 4
  • Minik Dahl Høegh 3
  • Nuka Heilmann 3
  • Miki Heilmann 1
  • Karl Frederiksen 1
  • Lars O. Lyberth 1

Semifinalimut anngunnissamut periarfissat
Kalaallit Nunaat minnerpaamik puljemi ajugaasup tulliatut inissittariaqarpoq. Siullermik Guatemalamut ajugaasariaqarput, taavalu Chile Argentinamut pointinnattariaqarpoq imaluunniit Argentina målit 15-t sinnerlugit ajugaasariaqarpoq.

Kisitsinerni suli matematikkertaqarneruvoq: Argentina målinik 14-inik ajugaassagaluarpat, tassanilu Chile 17-init ikinnerusunik isertitaqarpat, Kalaallit Nunaat ajugaasup tulliatut inississaaq.

Assersuutigalugu Argentina 31-17-imik ajugaappat, Chilep Kalaallit Nunaatalu akornanni makitsisoqassaaq. Argentina målinik 14-inik ikinnerusunik Chilemut ajugaappat, Argentina aamma Chile semifinalissapput.

Unamminissat pissanganartut
Kalaallit Nunaata Guatemala ualikkut nunatsinni nalunaaqutaq malillugu 16.00 unammissavaat. Amerika Kujallermiut Argentina aamma Chile, nunatsinni nalunaaqutaq malillugu 20.00 aallartissapput.

Uani ataani assit takukkit

Powered by Labrador CMS