Skip to main content

Arfineq-marlunnik toqutsisoq ukiuni tallimani misiligummik iperagaavoq

Toqutsisutut pineqaatissinneqarsimasoq Abel Klemensen ukiunik tallimanik sivisussusilimmik misiligummik iperagaassaaq, taamatut aalajangerpoq Kalaallit Nunaata Eqqartuussivia

Abel Klemensen, 1990-imi ukiortaap unnuaani Narsami inunnik arfineq-marlunnik toqutsisutut inummillu ataatsimik toqutseriarsimasutut pineqaatissinneqartoq, ukiunik tallimanik sivisussusilimmik misiligummik iperagaassaaq.

Taamatut aalajangiivoq Kalaallit Nunaata Eqqartuussivia, taamatut paasissutissiivoq KNR.

Inersimarpalunngitsoq

Eqqartuussiviup ukiuni tallimani misiligummik iperagaanissaanut tunngavilersuutigaa Abel Klemensen 2014-imi tatineqarsimasoq hashimik Kalaallit Nunaannut eqqussinissamut. Tamatuminnga unnerluunneqanngilaq, Eqqartuussiviulli oqarneratut ´inuk taanna ima inersimarpalutsiginngimmat´ misiligummik iperagaanera ukiunik tallimanik sivikinnerusariaqanngitsoq.

Abel Klemensen 1991-imi pineqaatissinneqarpoq.

 

Forsiden lige nu

SENESTE NYHEDER