Skip to main content

Arctiv Winter Gamesimi peqataasut kingulliit ataasinngorpat aallassapput

Amerlanerpaartaat arfininngormat aallarput, sinnerili amerlanngitsut sapaammi ataasinngornermilu aallassapput

Arctic Winter Gamesimi peqataasut 1.500-t missaanniittut ilarpassui arfininngormat Nuummit aallarput. Amerlanersaat Kangerlussuakkoorput tassanngaanniillu angerlarfimminnut ingerlaqqissallutik, amerlavallanngitsullu toqqaannartumik Nuummit Nunavummut timmisartorput.

Angalasut 175-it

Peqataasut 120-it arfininngormat Nuummit Nunavimmut aallarput, ataasinngorpallu 15-it Yamalimeersut Sapmi-meersullu angerlamut aallassapput. Tamakkua Nuummit Kangerlussuaq aqqusaarlugu Københavnimut ingerlaqqissapput.

– Ingerlatsineq naatsorsuutigisat tamaasa malillugit ingerlasimavoq, mittarfinniinnaanngitsoq, aammattaarli uagut ataavartumik aallarartitsisimavugut. Nuup Bussiinik ilaasussat atuarfinnut aaneqartarput, kajumissutsiminnillu sulisut nassatassat katersorpaat,, ISS-imillu mittarfiliaassorneqarput, Christian Kjeldsen, Arctic Winter Gamesimi aqutsisoqatigiinni siulittaasoq oqarpoq.

Inuulluaqqusineq

Air Greenlandip timmisartuusseqattaarnerani arfininngormat unnukkut aallartut kingulliit Northwest Territoriesimeersuupput. Taakkua aallariartortut Nuup Mittarfiani borgmester Asii Chemnitz Narupimit, Christian Kjeldsenimit, General Manager Maliina Abelsenimit pilersuinermilu akisussaasumit Line Frederiksenimit inuulluaqquneqarput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER