eqqumiitsulianik tuniniaaneq

Arctic Winter Gamesip ajunngitsuliuutaanut katersuiniarneq

AWG-ip ilisarnaataata puisip titartaqqaarneqarneri Grønlandsbankimi tuniniarneqassapput, meeqqanik suleqatigiissitsisarnissanut katersuiniarluni

Arctic Winter Games 2016-ip ilisarnaataa Kuluk taamatut isikkoqarpoq

Sapaatip akunnerani tullermi Kuluup pilersinneqarsimanera pilllugu Nuummi Grønlandsbanki saqqummersitsissaaq. Kuluk tassaavoq puisi, Arctic Winter Games 2016-ip ilisarnaataa.

Saqqummersitsinermi ilaatigut takuneqarsinnapput titartaasartup Christian Fleischer Rexip Arctic Winter Gamesip ilisarnaatanik pilersitsiniarnermini suliarisimasai.

Titartakkat digitalimik titartarneqarsimapput naqiteriarlugillu inuusalerineqarsimallutik.

Ammaaneq aamma meeqqanut ammavoq

– Saqqummersitsinermi matumani titartakkat tuniniarneqassapput, isertitallu Arctic Winter Gamesip sammisaqarluni meeqqanik suleqatigiissitsiarnissaanut atorneqassapput. Taamaattumik ilissi tamassi, titartakkanik eqqumiitsulianik nuannarinnittut, ilissilu tamassi ajunngitsuliornermut akileeqataanissamut akissallit aggerlusi peqataajartoritsi, aningaaseriviup pisortaa Martin Kviesgaard kajumissaarivoq.

Ammaanersiornermi Christian Fleischer Rex, Arxric Winter Gamesillu ilisarnaataa Kuluk najuutissapput, meeqqallu peqataalluaqquneqarput.

Tuniniaanermi isertitat tamaasa ilanngarnagit, AWG-p meeqqanik suleqatigiissitsisarnerinut atugassanngortinneqassapput.

Powered by Labrador CMS