Skip to main content

Arctic Winter Gamesimut eqqaassutissaq uleerneqarpoq

Bilo Høegh Stigsenip eqqaassutissaq suliaraa

Arctic Winter Games ukioq Nuummi ingerlanneqarneranut atatillugu Nuummi eqqaassutissaqalerpoq. Eqqaassutissamik uleersineq tallimanngormat pivoq.

Siunnersuutit aaqanillit

Eqqumiitsuliortut aqqaniliusut Arctic Winter Gamesimut eqqaassutissamik qanoq ilusilersuerusunnerlutik siunnersuuteqarsimapput. Siunnersuuteqartunilu Bilo Høegh Stigsen toqqarneqarpoq taassuma AWG-mi sammineqartut ilusilersorsimallugit. Ilusilersugaalu Nuup qeqqata avatangiisianut tulluartorujussuuvoq kulturikkullu illorsup Katuap saani taanna inissinneqartoq Kommuneqarfik Sermersooq paasissutissiivoq.

Atuaruk: Arctic Winter Games pillugu AG-p allaaserisaa eqqunnginnerarpaa

Nunamut ilassuuttoq

Eqqaassutissaq ilusilersugaannaassanngitsoq Bilop siunnersuusiornermini pingaartissimavaa, uummaarissumillu isikkoqarluni illoqarfiup qeqqaniissasoq. Ilusilersugarlu takussutissaannaanani inuit kateriffigisinnaasaattut, qallorfigisinnaasaattut atorsinaasaattullu siunertalersimallugu.

Eqqaassut nuannersoq

- Eqqumiitsuliat ilorpiatsinnut attuisuupput. Eqqumiitsuliat ulluinnarni eqqarsaatigineq ajukkatsinnik eqqaasittarpaatigut. Una ilusilersugaq aamma taamaalluinnarpoq, taassumalu AWG-toqarnikuuneranik tassungalu attuumassutillit uagutsinnut isumalinnik eqqaasittassavaatigut. Unalu ilisulersugaq qiviaannarlugu tamanna iluatsilluarsimasutut isigaara. Bilop ilusilersuinermini eqqumiitsuliaq soqutiginartutut ilusinitsissimavaa, qiviaannagassaanani qanimut misissorusunnartunngorlugu suliarisimallugu, borgmester Asii Chemnitz Narup eqqaassutissap uleerneqarnerani ilaatigut oqarpoq.

Allaaserisap ataani uleersinermit assit takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER