Arctic Winter Games
Arctic Winter Gamesimi unammiuaarnerit isiginnaarneri tamarmik akeqanngitsut
Nuummi timersuutinik assigiinngitsuni 14-ini unammiuaarnerit koruunimik kaasarfimmioqanngikkaluarluni malinnaavigineqarsinnaapput
Arctic Winter Games 2016-imi timersornikkut programmi aallartissaaq sapaammi marsip 6-ani unillunilu tallimanngornermi marsip 11-ani, programmip neqeroorutigai timersuutini assigiinngitsuni 14-niusuni Nuummi unammiuaarnerit.
Program annertooq
- Timersornikkut unammiuaaqatigiinnerit aallartinnissaat pissangagisorujussuuarput, timersornikkullu programmip, kikkut tamarmik timersuutit akeqanngitsumik isiginnaariarfigisinnaasaat, saqqummiunnissaa nuannaarutigalugu. Neriuppugut una periarfissatsialak amerlasuut atorluassagaat aamma Arctic Winter Games-ip anersaava misigissagaat, pisortaq Maliina Abelsen, tusagassiuutinut nalunaarummi taama oqarpoq.
- Timersuutini ataatsimiitsitaliat ukiut marluk kajumissutsiminnik unammiuaarnissat piareersarlugit sulinikuupput. Kajumissutsiminnik sulisoqanngikkaluarpat timersornikkut programmeqarnavianngikkaluarpoq, taamaattumik annertuumik suleqataanerannut qujangaarpugut, timersuutinut pisortaq, Svend Sværd, taama oqarpoq.
Arctic Winter Games pillugu allaaserisat tamaasa uani atuakkit