AWG 2016
Arctic Winter Games 2016 Folketingimi
AWG2016-ip ingerlanneqarnissaa Folketingimi ataasinngornermi sammineqarpoq
AWG2016-imi pisortaq Maliina Abelsen Folketingimi issittormiut suleqatigiit Folketingimi ataatsimiinnermut qaaqqusisummata qaaqqusanut ilaavoq. Ataatsimiinneq qulequtaqarpoq: ‘Atlantikup avannarpasissuani inuussutissarsiutitigut periarfissat nutaat’.
Atlantikup avannarpasissuaneersut inuit assigiinngitsut saqqummiipput saqqummiisullu akornaniilluni AWG2016-imi pisortaq Maliina Abelsen
Atuaruk: Kalaallit Nunaat Issittumi pingaarnertut angallaffiulissanngilaq
- Nunatta nittarsaannissaanut periarfissatsialaavoq. Soorlu aamma inuit inuusuttunut timersornermullu tunngasunik sammisaqanngikkaluarlutik nunatsinnut tunngasunik sammisaqartut, AWG2016-imi pisortaq Maliina Abelsen ilaatigut saqqummiinermini oqarpoq.
Maliina Abelsenip Arctic Winter Games 2016 pillugu saqqummiinera Folketingip nittartagaatigut ugguuna takuneqarsinnaavoq.