Arctic Umiaq Line akikilliliiniarluni sulissuteqartoq
Umiarsuaatileqatigiiffik Naalakkersuisut ilaasunik angallassinermut tapiissuteqarniarlutik ikiorsiissuteqarmata, septemberip qaammataani ilaasunut akikilliliinissamik neqerooruteqarniarluni sulissuteqarpoq.
Suliffeqarfissuit ilaasunik angallassisartut, Disko Line aamma Air Greenland, angalanissarpassuarnut maannakkorpiaq neqerooruteqarput, ilaasut bilitsissaminnut 35 procentit angullugit sipaaruteqarfigisinnaasaannik.
Qanittukku umiarsuaatileqatigiiffik Arctic Umiaq taakkununnga ilanngutissaaq. Ingerlatseqatigiiffik sineriammi ilaasunik angallassisartuuvoq.
Arctic Umiaq Line tusagassiorfinnut naatsumik nalunaaruteqarnermini ilisimatitsivoq, Naalakkersuisut angalanissamut ikiorsiissutaannit tapiiffigineqarniarluni, tapiissutissallu septemberip aallaqqaataaniit 30-anut atuutissasut.
Arctic Umiaq Linemit maannakkorpiaq sulissutigineqarpoq, bilitsit akikillisat ingerlatseqatigiiffiup inniminniisarfiatigut pisiarineqarsinnaanngornissaat:
- Sapaatip akunnerata tulliani bilitsit pisiarineqarsinnanngorpata nalunaaruteqassaagut, ingerlatseqatigiiffik allappoq.