Skip to main content

Arctic Star: Akitsuuseeriasaarnerit sinissaarutsitsisarput

Inatsisartut allannguutissatut siunnersuummik akuersinermikkut, qamuteralaat nunatsinnut eqqunneqarnerisa akitsuutaat atorunnaarsippaat. Akitsuuteqarunnaarsitsinerli januaarip aallaqqaataani 2021-mi aatsaat atuutilissaaq, tamannalu Sisimiuni Arctic Starimi pisortamit, Henrik Sachsemit ernumanartoqartinneqarpoq.

Qamuteralaat ATV-llu nunatsinnut eqqunneqarnerani akitsuutinik atorunnaarsitsinermik aalajangerneq pillugu pisortaq Henrik Sachse assigiinngingaartunik misigisaqarpoq.

Qamuteralaat akitsuutaat peerneqarpoq, akitsuuteqarunnaarsitsinerli januaarip aallaqqaataani 2021-mi aatsaat atuutilissalluni.

- Soorunami siunissami niuertariaatsip qanoq isikkoqalernissaa ernumanartoqarpoq. Unali qularutigissanngilarput, nioqqutissanik toqqortaatitsinniittunit aningaasanik annaasaqarnissarput naatsorsuutigilereersinnaavarput, Sermitsiaq.AG-mut oqarpoq.

Qamuteralaat nunamut eqqunneqarnerminni 22.000 koruuninik akitsuuteqartinneqarput, taannalu akitsuut januaarip aallaqqaataani 2021-mi atorunnaassaaq. Taamaammat snescooterinik niuertartut inatsimmit iluanaaruteqalersinnaanera ukioq ataaseq sinnerlugu qaangiuppat aatsaat pissaaq.

- Taama aalajangipallannerit sinissaarutsitsisinnaakutsoorput, oqarpoq.

Siunissaq qaamasoq

Henrik Sachseli siunissamut ungasinnerusumut aarlerinngilaq. Taassuma naatsorsuutiginngilaa qamuteralannik nioqquteqarneq 2020-mi unittuuissasoq. Nunap aqquteqarnikkut aaqqissuussaanera pissutigalugu qamuteralaat angallatissatut pisariaqartinneqartuarput, tamakkuninngalu nioqquteqarneq nammanneqarsinnaalluni. Nioqquteqarnerulli qaammatini tullerni ineriartornera suliffeqarfiup malinnaaffigerusuppaa.

- Soorunami aalajangerneq aamma nuannaarutigaarput, siunissarmi taamaasilluni qaamanerulaalerpoq. Ullormiit ullormut taama aalajangertoqartarneq nuanninngilaq, niuernermimi tulluanngitsunik kinguneqartitsisarmat, soorlu toqqortaatitsinnit annaasaqarnissarput. Siunissarli qaamasoq ornipparput, Henrik Sachse oqarpoq.

Arctic Star Aps qamuteralaat saniatigut ATV-nik aamma nioqquteqarpoq. ATV-it ulloq novemberip 19-at aallaarnerfigalugu nunatsinnut eqqunneqarnerani akitsuutaarutsinneqarput, aqqusinermilli atuinermut akitsuutaat januaarip aallaqqaataani 2021-mi aatsaat atorunnaassalluni.

Henrik Sachse ilisimatitsivoq taama aalajangerneq, Sisimiuniillu Kangerlussuarmut aqqusinniortoqarnissaanut aningaasaliisoqarneq ataatsimut isigalugu nuannaajallannartuusut.

Henrik Sachse ilisimatitsivoq ukiornissaanut suut nioqqutigineqassanersut, ukiup nutaami februaarip qaammataani Arctic Star Apsimit aalajangiiffigineqareertartut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER