Skip to main content

Arctic Sports Greenland sungiusaasunik atorfinitsitsisoq

Tony Fisker aamma Suulut Geisler, tamarmik Ilulissaneersut, nunatsinni Inuit-Gamesinut assigisaannullu nunanut allanut unammiartartunut sungiusaasunngorput. Sungiusaasunngortut timersuutini taakkunani misilittagaqarluarput.

Arctic Sports Greenland nunanut allanut unammisartunut sungiusaasunik misilittagaqarluartunik marlunnik 1. september atorfinitsitsivoq.

Tony Fisker aamma Suulut Geisler Arctic Sports Greenlandimi Arctic Sportsimi, Dene Gamesimi aamma nunatsinni pinnguaatinik nunanut allanut unammiartartunut sungiusaasunngortut, ASG tusagassiorfinnut nalunaaruteqarluni allappoq.

Tony Fisker Arctic Sportsimi sungiusaasunngortoq, Suulut Geisler Dene Gamesimi sungiusaasuussaaq.

Timersortartut misilittagaqarluartut

Tony Fisker Arctic Winter Gamesinut peqataasarsimavoq ujaminnattarsimallunilu.

Suulut Geisler talerminnermi februarimi Danmarkimi pissartanngorpoq. Oqimaaqatigiiaannermi saamimmik aamma talerpimmik talerminnermi ajugaavoq, marlunnik guldinnassutigisaminik. Vægtklasse 100 kilo sinnerlugu unammissutigaa.

- Kattuffitsinniit qanimut suleqatiginissai qilanaarivarput aammalu nunarput sinnerlugu unammisartunik siuarsaanissaat timersortartutsinnilu piukkunnaatilinnik takkuttoqartillugu peqatigiiffimminni sungiusaassoq peqatigalugit inerisaanissaat kattuffitsinniit qilanaaralugu, ASG-mi siulittaasoq Bolethe Stenskov oqarpoq.

Sungiusaasut 2023-mi Arctic Winter Gameseqareernissaata tungaanut atorfinitsinneqarput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER