Skip to main content

Arctic Midnight Orienteering 2015 Ilulissat

Ulluni pingasuni unammiuaarneq naammassilluarpoq

Ilulissat Orienteering Greenlandip unammiuaartitsinini ullunik pingasunik sivisussusilik, Arctic Midnight Orienteering 2015, AMO 2015-imik naalisarneqartartoq, ingerlateqqammerpaa. Taamatut nalunaaruteqarpoq Ilulissani klubbimeersoq Olav Odgaard.

Arctic Midnight Orienteering ukioq manna ingerlanneqarpoq juulip aallaqqaataanit 4-aannut. Unammineq taanna arpannernik pingasunik immikkoortoqarpoq, taannalu qangatut sumiissusersiorluni arpannermi, sprintimi aamma Exreme Race Arctic Midnight Orienteeringimi, 5 kilometerinik, 10 kilometerinik, 15 kilometerinik 20 kilometerinillu isorartussusilinni, pisortatigoortuunngitsumik avannaani pissartanngorniunneruvoq.

Ilulissani klubbi Arctic Midnight Orienteering ukiut 16-it matuma siornatigut pilersinneqarpoq, klubbilu ingerlalluarsimavoq ullumikkullu 150-it missaannik ilaasortaqar5luni. Ukiut arfinillit arfineq-pingasullu akornisa matuma siornatigut Nuuk Orienteringsklub pilersinneqarpoq, ukiullu pingasut matuma siornatigut Aasianni orienteringsklubbimik pilersitsisoqarluni.

Ullumikkut Qasigiannguani Sisimiunilu o-klubbimik pilersitsinissat sulissutigineqarput.

– Anguniagaraarput klubbit ima amerlatigilernissarput, GIF-ip ataani (Timersoqatigiit Kattuffiata) immikkut kattuffinngorsinnaassalluta, Kalaallit Nunaanni kattuffiit immikkoortut assigalugit atugassaqartinneqarluta, Olav Odgaard IOG-meersoq oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER