Skip to main content

Arctic Circle nunarsuarmi silaannarmut atatillugu nersornaasiisalerniartoq

Arctic Circlemit aalajangiunneqarsimavoq suliniummut nunarsuarmi silaannaap kissakkiartorneranut annikillisaasinnaasumut 750.000 koruuninik akissarsisitsisarniarluni.

Arctic Circle Islandimi aallarnerneqarsimasoq Issittorlu qitiutillugu nunani tamalaani allaffeqarfilik nalunaaruteqarpoq, ilisimatusartumut imaluunniit ilisimatusaqatigiinnut silaannaap allanngoriartorneranik unitsitsilluarsinnaanerusunut nersornaammik tunniussisalerniarluni.

 

Nersornaat taaguuserneqarsimasoq ”The Frederik Paulsen Arctic Academic Action Award”, Arctic Circle Assembly oktobarip 14-aniit 17-ianut Reykjavikkimi ingerlanneqarpat agguaanneqassaaq.

"Nersornaammut" nutaamut piukkunneqartut juunip 30-ata tungaanut innersuunneqarsinnaasut, allattoqarfik tusagassiorfinnut nalunaaruteqarluni ilisimatitsivoq.

Nersornaat

Arctic Circle nersoaat pillugu naatsuaqqamik ima allappoq:

- Qinnuteqarumaartussat kaammattorneqarput, silaannaap allanngoriartorneranut pisanngorsaataasinnaasunik siunnersuuteqassasut imaluunniit tulliullugit taagorneqartuni ataaseq arlallilluunniit tunngavigalugit silaannaap allanngoriartorneranik unitsitsiniarnissammut siunnersuuteqassasut:

  • Teknikkikkut ineriartorneq aqqutigalugu tigussaasumik atorluarneqarsinnaasumillu suliaqarnikkut silaannarmik allanngoriartornaveersaartitsineq silaannaallu allanngoriartorneranik allamut saatitsineq.
  • Iliuutsit pilersaarutillu tigussaasut aqqutigalugit silaannaap allanngoriartorneranik uninngatitsineq annikilliliisitsinerlu.
  • Inatsisissatut siunnersuutit aamma inatsit aqqutigalugu politikkikkut allannguineq.

Arctic Circle Issittumi siunissaq pillugu nunarsuarmi nunat tamalaat suleqatigiiffittut oqaloqatigiittarfittullu kattuffiisa annerit ilagaat. Kattuffiup UArctic, University of the Arctic, universitetinut 200-nik amerlanerusunut kattuffinnullu allanut Issittumik qitiutitsisunut kattuffiusoq suleqatigalugu nersornaammik tunniussisalernissaq aaqqissuussimavaa.

Frederik Paulsen pillugu

Nersornaat svenskimut ajunngitsuliorumatuumut milliardæriusumullu Frederik Paulsenimut attuumatinneqarpoq, taassuma nakorsaasiorfissuaq Ferring pigisaraa. Issittumi pissutsit pillugit ilisimatusartoqarlunilu suleqatigiittoqarnissaa ukiuni qulikkuutaani oqariartuutigisarsimavaa, tassani piumasarisarlugu nunat inoqqaavisa kultuuriisa inuuniutaasalu ataqqineqarnissaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER