Arctic Circle Business: Siulersuisut tapersersorneqarluarput
Inuussutissarsiutit pillugit politikkikkut pituttugaanani peqatigiiffik sisamanngornermi maajip 27-ani ataatsimeersuarpoq. Siulersuisuni pingasut qinerneqartussani taamaallaat ataaseq taaserneqarpoq.
Suliffeqarfiit katillugit 72-t Arctic Circle Businessimi ilaasortaasut siulersuisut maannamut iluarisimaarpaat. Iluarisimaarinninneq siulersuisunik nutaanik pingasunik arfiniliusuniit taasisoqalernerani erserpoq.
Grønlands Bankenimeersoq Najaaraq Lennert siulersuisuni ilaasortaalerpoq. Taanna ulluinnarni immikkoortortaqarfimmi bankimi pisortaavoq. Hotel Kangerlussuarmeersoq Ole Damgaard qinigaaqqinngilaq sinniisussatut aappaattullu inissilluni.
Siulersuisut ukiuni marlunni ilaasortaasarput, kattuffiup ingerlaannarnissaa qulakkeerniarlugu.
Siulittaasoq tulluusimaartoq
Suliffeqarfippassuit kattuffiup siulersuisuinut taamak tapersersuitigimmata, Arctic Circle Businessimi siulittaasup tanngassimaarutigaa.
- Nuannaarutigeqaarput inuussutissarsiortut ataatsimoorullugu suliniutaat, Arctic Circle Business, ilaasortaanitsigummi ataatsimoorussaqarpugut, tamattalu sumiiffiup ineriartornissamik periarfissanik kivitseqataalluta. Kalaallit Nunaanni assersuutissatsialaavugut suliffeqarfiit assigiinngitsut namminersortuuppata, kommuniuppat sumiiffiup ineriartornissaanut suleqatigiissinnaalluta, siulittaasoq Anette Lings oqarpoq.
Siulersuisunngortut:
- Siulittaasoq, Anette Lings, Hotel Sisimiut
- Siulittaasup tullia, Henrik Sachse, Arctic Star
- Najannguaq Lennert, Grønlands Banken
- Paneeraq Olsen, Arctic Innovation
- Mia Chemnitz Høegh, Qiviut
- Maannguaq Lauritzen, Sarfalerisut
Sinniisussat:
- Arne Hardenberg, Greenland Extreme
- Ole Damgaard, Hotel Kangerlussuaq