Skip to main content

Arctic Circle Business pisortaagallartussamik toqqaavoq

Arctic Circle Business-ip siulersuisuisa toqqarsimavaat Susanne Høegh ulluinnarni suliniutinik suleqataasoq pisortatut atorfinitsinneqarallassasoq utaqqiisaasumik suliffeqarfik pisortamik nutaamik atorfinitsitinissaata tungaanut.

Juliane Henningsen Arctic Circle Businessimi pisortaajunnaarpat Susanne Høegh pisortaagallartutut inissisimalissasoq siulersuisunit aalajangerneqarpoq.

Juliane Henningsen novembarimi Qeqqata Kommuniani kommunaldirektørinngorpat Susanne Høegh pisortaagallartutut inissisimalissaaq.

- Arctic Circle Business-miit Juliane Henningsen qutsavigaarput assut sunniutilimmik suleqataasimaneranut aammalu suleqatini peqatigalugit suliniutinut pilersissimasaanut. Assut nuannarutigaarput Juliane inuussutissarsiornermi aammalu politikkikkut, Qeqqata Kommuniatalu atorfilittai peqatigilluarlugit suleqatigiilluarneq pilersissimammagu siunissamilu suleqatigiilluarnissatsinnik isumalluarpugut Qeqqata Kommuniani kommunaldirektør-itut atorfininnissaanut, siulittaasoq Petrus Olsvig-Kleist oqarpoq.

Arctic Circle Business pisortatut qinnuteqaatit tigoorarpaat qinnuteqarnissarlu killigitinneqarluni ulloq 11. november, ilisimatitsissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER