Skip to main content

Arctic Business Networkimi siulersuisut nutaat

Aalisarnermik sammisalik Jens K. Lyberth kalaallit inuussutissarsiortut Aalborgimi peqatigiiffianni ilaasortanngorpoq

Arcticc Business Network pingasunngormat ualikkut ataatsimeersuarmat siulersuisunik nutaanik toqqaasoqarpoq.

Jyllandip avannaamiut-kalaallit inuussutissrsiortut peqatigiiffiat nittartakkamini taamatut paasissutissiivoq.

Siulersuisut marloqiusat

Royal Greenlandimi pisortaq Jens K. Lyberth siulersuisunut ilaasortanngorpoq Torben Søgaard Larsen taarserlugu - taamaasillunilu siulersuisunut ilaasortat inuttaqalerput Kalaallit Nunaanneersunik marlunnik Danmarkimeersunillu marlunnik.

Jens K. Lyberthip saniatigut siulersuisunut ilaasortaapput siulittaasoq Poul Hededal, Rambøll-imeersoq, siulittaasup tullia Henrik Rafn, inissiaatileqatigiiffimmit INI-meersoq kiisalu Allan Frost, Arctic Importimeersoq.

Siulittaasup Poul Hededalip nalunaarummini oqaluttuarpoq ukiumi, attaveqaqatigiiffiup Atlantikoq akimorlugu suleqatigiinnissamik anguniagaa, politikkikkut tapersersorneqarsimasoq.

Ilaasortaanermut akiliut qaffallugu

Aamma oqaliuttuaraa ilaasortaqarneq ilorraap tungaanut ingerlasoq, erseqqissarluguli attaveqaqatigiiffik aningaasaqarnikkut unammilligassaqartoq, taamaattumillu ilaasortaanermut akiliutip qaffanneqarnissaanik siulersuisut aatsaavissuaq siullermeersumik siunnersuuteqartut.

Ataatsimeersuarnermi ingerlatsiviit 20-t missarpiaanniittut peqataapput, ataatsimeersuartullu Kalaallit Nunaanni ilaasortanut nettikkut toqqaannartumik attaveqarput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER