Aquttunit kajumissaarut: Meeqqat bussernermut kortinik atuinissaat ilinniartinneqarlik
Siorna ukiup atuarfiusup aallartinneranit atuartut tamarmik akeqanngitsumik atuariartornissamut kortimik tunineqarput. Taamaallaat atuartut affaasa bussernermut korti eqqortumik atortaraat maanna paasinarsivoq.
Kommunimi politikerit tukkortut 2018-imi aalajangiuppaat, meeqqat atuarfianni atuartut tamarmik bussernermut korteqassasut, taamaalilluni akeqanngitsumik busserluni atuariartortoqarsinnaaniassammat. Aaqqiissullu annertusineqarpoq, taamaalilluni meeqqat piffissami 18.00-mit 21.00-mut bussernermut kortimik atuisinnaanngortinneqarlutik, taamaalillutik sunngiffimmi
sammisaqariarlutik angerlaqqissinnaaniassammata.
Misissuineq
Immikkut ittumik misissuisoqarnerata takutippaa, atuartut 50,63 procentiisa bussernermut korti piumasaqaataasoq eqqortumik atortaraat.
- Bussernermut kortip atunnginneranut meeqqat amerlasuunik nassuiaateqartarput, tamannalu aquttutta kortimik atuisariaqarneq pillugu meeqqanut nassuiaasarnerat pisarissersuutaasarpoq, pisortaq Mogens Nathansen, Nuup Bussii, Sermitsiaq.AG-mut taama oqarpoq.
Angajoqqaanut kajumissaarut
Meeqqat ilaanissamut itigartinneqarneq ajorput, kisianni angajoqqaat aamma atuarfiit iliuuseqarnissaannut Mogen Nathansen kajumissaarivoq, taamaalilluni meeqqat kortimik
nassataqartassammata, mianersuullugu aamma puigornagu.
Bussinik ingerlatseqatigiiffiup 2018-imut ukiumut nalunaarutaani ilisimatitsissutigineqarpoq, atuartunut bussernermut kortinik aaqqiissut atuarnerup avataani 10 procentingajammik atorneqartartoq, tassa sunngiffimmi sammisaqartoqartarnerani.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...