Skip to main content

Aqutsiveqarfinnut qaleralittassiisarneq Suleqatigiissitsisut atuutilersikkumavaat

Suleqatigiissitsisunit Louis Sigurdsenip nunatta politiikeriisa inuussutissarsiut pingaarnermik "pinnguartarfiinnartut" atuinerat qatsulluinnarpaa. Aqutsiveqarfiit pisassallu aqulluarneqalertariaqarput, taanna isumaqarpoq.

- Nunatsinni inuussutissarsiutini pingaarnerpaaq politikerit imminnuinnaq eqqarsaatigisut pinnguartarfigiunnaartariaqarpaat.

Suleqatigiissitsisunit Louis Sigurdsen Inatsisartunut qineqqusaartoq taama isumaqarpoq.

Louis Sigurdsenip uggorilluinnarpaa Siumup, Demokraatit Nunatta Qitornaasalu ajornartorsiutit qissiminngivillugit, kujammut Kuannersuit tungaannut qiviaannarnerat.

- Siumup, Demokratit, Nunattalu Qitornaat aalisarnermut inatsimmik pilersitsinisartik sapersaatigikutsooriarlugu, isumaqassanngillat qaangiakalaaginnassallugu.

- Qallikkut aaqqiiniapallannermut saatinneqarsimavoq, iluminni pissaaneqarniunnerpassuit,  qaleralittassanik pisassiissutaasartut, Inatsisartunut siulittaasuusup pissaaneqarnissaanut qulakkeerinnissutigisaqattaarlugit, sunaaffami Henrik Fleischerip raajarniartuuneranut tunngasoq pineqartoq, amerlanerussutillit peqqissuunissaat eqqarsaataanani aalisarnerullu imminut qanoq akilersinnaasunngortinneqarsinnaanissaanut aamma tunngassuteqarani, Suleqatigiissitsisunit qinigassanngortittoq suangavoq.

Taama iliorneq unitsinneqartariaqartoq, taanna isumaqarpoq. Sigurdsen isumaqarpoq aalisarneq ajalusoortinnagu aaqqissuuteqqissaarneqartariaqalersoq.

- Aqutsiveqarfinnut qaleralittassiisarneq atuutilerniarli, tusagassiorfinnut nalunaaruteqarluni allappoq.

Qaleralik qasuersaartinneqarli

Taassuma siunnersuutigaa illoqarfikkaartumik qaleralittassiisoqartalissasoq. Ilulissani aalisartut Ilulissat eqqaanni pisassaqarlutik aalisartassapput. Aalisartulli taakku Uummannamut Upernavimmulluunniit aalisariarsinnaassanngillat, soorlu aamma illoqarfinni allaneersut Ilulissanukarlutik pisassanit aalisarsinnaassanngitsut.

- Utaqqissaa aaqqissutaasinnaagaluarpoq taamallillutik aalisakkat qallorneqarnissaminnut, pisariaqartinneqartoq malillugu, anginerulernissaminnut amerlinerunissaminnullu periarfissinneqassallutik. Imaassinnaavoq aaqqiineq kipparippallaartutut isigineqassasoq, kisianni tassa Avannaani aalisarnikkut ajalusooqqaneq iluarseqqinneqassappat misilinneqartariaqarluinnarpoq, Louis Sigurdsen allappoq.

Sigurdsenip erseqqissarpaa taama killiliinerit atajuaannartussaanavianngitsut, qaleraleqassutsilli annertusarnissaanut iluaqutaasussaassasut.

Taassuma kissaatigaa biologit aalisartullu suleqatigiinnerunissaat biologit innersuussuteqalersinnagit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER