Aqutsisoqarfik najugaqavissunik katsorsaasartoqarniartoq

Angalallutik inersimasunik aamma meeqqanik inuusuttunillu katsorsaasartut sapinngisamik najugaqavissunik inuttaqartinneqassapput. Aamma ukiumi nutaami angalasartoqatigiit sisamat minnerpaamik arfineq-marluunissaat anguniarneqarpoq.

Isumaginninnermut Aqutsisoqarfik Innuttaasut tunaartaralugit immikkoortortaqarfimmik pilersitsisimavoq, immikkoortortaqarfik angalallutik katsorsaasartut inersimasut meeraanerminni kinguaassiuutitigut atornerlunneqarsimanerminnik kingunerlutsitsisut katsorsariartorlugit aappaagu angalasarnissaannik pilersaarusiuleruttorpoq, aamma meeqqanik katsorsaajartortartut angalasarnissaat pilersaarusiorneqarpoq.

Isumaginninnermut Aqutsisoqarfiup Danmarkimit katsorsaasartut ukiumi nutaami isumaqatigiissuteqarfigineqarnissaat pilersaarutiginngilaa, aqutsisoqarfiup katsorsaasartut najugaqavissut atorneqarnissaat anguniaramiuk:

- Avataanit katsorsaasartunik atuisarnitta annikillisinneqarnissaa sulissutiginiarparput, angalallutillu katsorsaasartut angalasarnissaat pilersaarusiorniarpavut, politikkikkut kissaatigisanut naapertuuttumik Covid-19-ip atuunneranit sapinngisamik sunnerneqannginnissaat anguniarlugu, Isumaginninnermut Aqutsisoqarfik kommuninut allakkamini taamatut nassuiaateqarpoq.

Ilaatigut tikinnermi ulluni tallimani mattusimasarnermit misissorteqqittarnermillu kiisalu soorlu martsip qaammataani pisimasutut Nunatta matuneqarneranit sunnerneqarsimasaramik.

Ilisimasat attatiinnarneqassasut

Isumaginninnermut Aqutsisoqarfik naapertorlugu ukiumi nutaami angalallutik katsorsaajartortartussat tassaapput inersimanik katsorsaajartortartoqatigiit tallimat aamma meeqqanik inuusuttunillu katsorsaajartartoqatigiit marluk pingasulluunniit. Taamaalilluni inersimasunik katsorsaajartortartuoqatigiit sisamaasut meeqqanillu katsorsaajartortartoqatigiit ataatsit amerlineqassapput. Peqatigitillugu illoqarfinni allani meeqqanik katsorsaasartoqalissaaq.

Aqutsisoqarfimmi pisortap Helene Berthelsenip ilisimatitsissutigaa, katsorsaasartut najugaqavissut illoqarfinni assigiinngitsuni katsorsaasarnissaannut isumaqatigiissutit amerlanersaat inissinneqareersut, isumaqatigiissutissallu arlallit suli suliarineqartut.

Taassuma tamatumunnga peqatigitillugu oqaatigaa, angalasartut ukiuni kingullerni ilisimalersimasaat, misilittagarilersimasaat suleriaaserisimasaallu attatiinnarneqassasut. Tamanna maannakkut suleriaaseq pillugu nalunaarusiami, at den viden, erfaring og praksis, som rejseholdene har oparbejdet de seneste mange år, bevares. Dette i form af de nuværende arbejdsgange, som er nedfældet i en rapport, ”Angalallutik katsorsaasartut suliaat 2013-2020”, inassuteqaatitallit atuarneqarsinnaavoq.

Kommunit sullissinermi malitassanik tunineqassasut

- Isumaginninnermi Aqutsisoqarfik kommuninik qanimut suleqateqarluni angalasartut sulisarnerannik aaqqissuusseqqileruttorpqo. Pingaaruteqarpoq allannguutissat innuttaasunut pingaartumillu meeqqanut ikiuutaasussat oqaluuserigaangatsigit aamma taakku tusaaneqartarnissaat, Helene Berthelsen oqarpoq.

- Sullissinermi malitassat suliarivagut, kommunit aamaalillutik sunik neqerooruteqarnersugut takusinnaalissavaat, taamalu isumaqatigiissusiorsinnaanngorlutik, taanna oqarpoq.

Helene Berthelsenip neriuutigaa, allannguutissatut suliarineqartut katsorsaasarnerup allanngujaatsuunissaanik qulakkeerinnissasut, Angalallutik katsorsaajartortartut 2021-mi suliassaat kommuninut decembarip qaammataani nalunaarutigineqassapput.

Powered by Labrador CMS