Aqutsinermi siunnersortit amigartooruteqartut
Visiobox ApS-imi siunnersortit aqutsinermilu siunnersortit pingasut ukiuni arlalinni sinneqartoorluartareerlutik, 2020-mi corona pissutaalluni amigaartooruteqarsimapput, ukiumut angusat aatsaavissuaq minusimut inississimallutik aamma nammineq aningaasaatitigut amigartooruteqarsimallutik.
Inaluk Malene Brandt, Michael Binzer aamma Christian Keldsen Visiobox ApS-imik pilersitsisimasut 2020-mi 102.910 koruuninik amigartooruteqarsimapput, angusat ukiup siulianut sanilliullugu 515.000 koruuninik ajorseriarsimallutik. Amigartooruteqarnerisigut ingerlatseqatigiiffiup nammineq aningaasaatai minus 67.000 koruuniulersimapput.
Visiobox siunnersuisarfiuvoq aamma aqutsinermik ineriartortitsinerup iluani kiffartuussisarpoq, ukiunilu arlalini suliffeqarfik iluatsitsilluarfiusumik aningaasatigullu sinneqartooruteqarfiusartumik ingerlanneqarsimavoq.
Keldsen tunuarsimasoq
Ukiumut angusat pitsaavallaanngikkaluartut aqutsisut ”naammaginartuunerarpaat”.
- Ukiumut angusat naammagisimaarnarput, 2020-mili Covid-19-p atuutsitsineranut kiisalu Christian Keldseip ukioq manna piginneqatitut siunnersortitullu tunuarneranut takussutissaallutik, aqutsisut nalunaarutaanni allassimavoq. Christian Keldsen 2020/21-mi ukiup nikinnerani piginneqatigiiffimmit tunuarpoq, Kalaallit Nunaanni Sulisitsisuni pisortanngorami, taassuma Brian Buus Pedersen Danmarkimut nuunniarluni aalajangersimasoq taarserpaa.
Neriuuteqarluartut
Piginneqatigiit siunissamut neriuuteqarluarput.
-Piginneqatigiiffik suliassarpassuaqarpoq, angusallu ukiunilu aggersuni pitsaanerulingaatsiarnissaat naatsorsuutigineqarpoq, tassa piginneqatigiiffiup aningaasaqarnikkut tunngavigisasa iluarseqqinneqarnissaat naatsorsuutigineqarluni, naatsorsuutini ilisimatitsissutigineqarpoq.