Aqqusinermi ajutoorujussuarnerup kingorna angut qimaasoq
Ataasinngornermi unnukkut biilit marluk Nuummi aporput. Biilit aappaanni aquttoq ajutoornerup kingorna qimaavoq, politiilli angutip kinaassusaa ilisimavaat.
Ataasinngornermi unnukkut nal. 21.45 missaani Nuup Qeqqani Brugsenip eqqaani Aqqusinersuarmi aqqusinermi ajutoortoqarpoq.
Biilit marluk aporput, tassani biilip aappaa aqqusernup illuatigut ingerlasimavoq, Kalaallit Nunaanni Politiini pigaartut pisortaat Peter Bauer oqaluttarpoq.
Biilit taakku marluk annertuumik ajoquserput, kisianni qujanartumik inunnik ajoqusertoqanngilaq.
Politiinit ilisimaneqartoq
Ajutoornerup kinguninngua biilit aappaanni aquttoq sumiiffimmit qimaavoq, imerniartarfiullu Maximutip tungaanut arpappoq.
Angut taanna aqqusinermi illuanut ingerlasut aqqutaatigut ingerlasimavoq. Politiit angutip kinaassusaa ilisimavaat, kisianni ataasinngornermi unnukkut politiinit nassaarineqanngitsoorpoq:
- Sumiiffimmi videomik nakkutilliinernit kinaanera paasivarput. Inuk politiinit ilisarisimaneqartoq pineqarpoq, taannalu pissarsiariniarsaraarput, Peter Bauer oqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...