Aqqusinermi ajutoorneq: Misissuineq suli ingerlanneqartoq

Qinngorpumi aqqusinermi arfininngornermi ajutoortoqarnera Nuummi politiit suli misissorpaat, taamaattumillu ajutoornermut pissutaasoq oqaaseqarfigisinnaanngilaat. Aquttoq ajunngilaq, politiini pigaartut pisortaat ilisimatitsivoq.

Nuummi illoqarfiup immikkoortuanut Qinngorpumut sangoriami lastbili arfininngormat ajutoorpoq, tassanilu aquttoq killueqqaarluni anillatsinneqarpoq, tassanngaanniillu Dronning Ingridip Napparsimmavissualiaanneqarluni.

Angut ajunngilaq, sapaatillu ingerlanerani Dronning Ingridip Napparsimmavianit aninissaa naatsorsuutigineqarpoq, pigaartut pisortaat Katrine Sandgreen, Nuummi Politiit, Sermitsiaq.AG-mut taama ilisimatitsivoq.

Aaversittoq

- Ajutoornermut suna pissutaanersoq misissorlugu aallartinnikuuarput. Angut aaversippoq, imersimalluni ingerlasimanersoq imersimannginnersorluunniit paasiniarlugu, pigaartut pisortaat oqaluttuarpoq.

Aaversinnerup inernerata tigunissaanut sapaatip-akunneri arlallit politiit utaqqisinnaagaat, taanna ilisimatitsivoq, kisianni ilaatigut sukkanerusinnaasartoq.

- Aaversinnerup inernera utaqqivarput, Katrine Sandgreen oqarpoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS