Aqqusineq pillugu nalunaarusiaq kommunip nuannaarutigaa: Namminersorlutik Oqartussat aningaasaliisariaqarput

Kangerlussuup Sisimiullu akornanni aqqusineq naatsorsuutigineqartumit pingasoriaammik akisunerusinnaavoq, sulili isumassarsiatsialaalluni. – Taamatut nalunaarusiamini inerniliivoq misissuinermik ingerlatsivik attuumassuteqanngitsoq. Nuanneqaaq, suliniutip pisortaa oqarpoq.

Sisimiut Kangerlussuullu akornanni aqqusernup ulorianartoqarneranik naliliineq pissangalluni utaqqineqarsimasoq maanna saqqummiunneqarpoq, inerniliineralu suliniummik illersuisunut qiimmaallannartoq, aviisi AG allappoq.

- Inerniliinivut ataatsimut isigalugit suliniutip ingerlateqqinnissaanik aalajangernissamut taakkua tapersiipput, misissuinermik ingerlatsivik Oxford Global Projects allappoq.

Naalakkersuisut ingerlatsivik Oxford Global Projects qinnuigisimavaat attuumassuteqanngitsumik misissuseqqullugu, selskabimilu siunnersuisartut aqqusineq 170 kilometerinik isorartutigisoq pillugu 82-inik quppernilimmik nalunaarusiorsimapput.

Aningaasartuutit amerlanerusut

Oxford Global Projectimi siunnersuisartut attaveqaatinik suliniuterpassuarnit allanit misilittagaqarput, ilaaatigut Canadap avannamut kimmmut territoriaani Inuvik aamma Tuktoyaktuk akornanni 152 kilometerinik isorartutigisumik aqqusinersualiornermit. Tamanna peqatigalugu suliniummik ingerlatsisut apersorsimavaat, Issittumi aqqusinernut atatillugu unammilligassat suunersut misissorsimallugu kiisalu kommunip ingerlatseriaasia itinerusumik misissorsimallugu.

-Aningaasartuutissatut missingersuutigineqartut pisoqalisimagunaraluartut sunniutissaanik misissuinitta takutippaa, sanaartornermi aningaasartuutit qaffasinnerujussuugaluarpataluunniit ingerlatsinissamut pilersaarut atasinnaasoq attatiinnarneqarsinnaasoq.

Aviisimi AG-mi allaaserisaq tamakkerlugu atuarsinnaavat:

Powered by Labrador CMS