Skip to main content

Aqquserngit quatsersimanerisa pissutigisaannik biilit napparutinut apullattaasut

Kalaallit Nunaanni illoqarfiit pingaarnersaanni aqquserngit sermiinnanngornerisa kingorna arlaleriarluni biilinik ajutoortoqarpoq - napparutit biilillu ajoquserneqartarlutik

Ukiutoqqap ulluani biilimik ingerlatitsisup biili mittarfiup ataatungaani aqquserngup sangujartorfiani aqussinnaajunnaarpaa. 

Biili ajutooreersoq ilaasoq kaanngartinniarlugu qatserisartut biilit qaliat qiortarlugu ammarpaat taamaasereermallu kuutsimigut napisimanerminut Dronning Ingridip napparsimmavissuani suliarinasuarneqarpoq. Mittarfiulli aqqutaa kisimi quasanngilaq. Taamaammat politiit biilertut kajumissaarpaat mianersorluinnarlutik ingerlasaqullugit.

Nukissiorfiit Nuuk Ugeavisimut ilisimatitsissutigaat qaammatit marluk ingerlanerinnaanni napparutit biilinit aporneqartut tallimat taarserneqarsimasut. Mittarfiup ataatungaani aqquserngup sangujartortarfiani napparutit ilaat marloriarluni taarserneqarpoq.

Kommuneqarfik Sermersuumi atortussaasivimmeersut aamma ilisimaaraat aqquserngup sangujartortarfia taanna sermeraangami ulorianartorujussuanngortartoq.

- Maanna isumaliutigaarput aqquserngup sangujartorfiata taassuma 'dødsmandssvinget' allanngortinneranut eqqaanartumik allanngortinniarlugu. Kisianni qanorpiaq aammalu qaqugu tamatuma pisinnaanera suli isummerfiginngilarput, atortussaasivimmi ingerlatsinermut immikkoortoqarfimmi pisortaq Søren Christensen Nuuk Ugeavisimut oqarpoq.

Allaaserineqartoq tamaat Nuuk Ugeavisimi atuaruk. Nuummi pisartut assigiinngitsut aviisimi aamma atuarneqarsinnaapput. Aviisi ataani akeqanngitsumik aaneqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER