assammik arsarneq

Aqqit takukkit: Arnat unammiaqataasinnaasut toqqarneqartut

Arnat assammik arsaattartut nunanut allanut unammisartut sungiusaasuat, Johannes Groth, VM-imut anngunniuteqqaarnissamut unammiaqataasinnaasunik toqqaavoq. Unammisartut aatsaat taama siammasitsiginerarpai

Arnat assammik arsaattartut nunanut allanut unammisartui marsimi Puerto Ricomi anngunniunnissamut unammiartussapput.

Nunanut allanut unammisartunut sungiusaasup Johannes Grothip unammisartut 35-it unammiartussat ikilisarneqanngitsut toqqarsimavai. Unammisartullu aatsaat taama pitsaatigisut, taanna oqarpoq.

- Unammiartussatut piukkussat arnat toqqarneqartut aatsaat taama siammasitsigipput, sungiusaasoq tusagassiuutinut nalunaarummi erseqqissaavoq.

Piareersarlutik angalassasut
Unammisartut 16-iinnanngortinneqassapput, unammiartussallu marsip aallaqqaataani saqqummiunneqassapput.

Nunanut allanut unammisartut piareersariartorlutik februaarimi Islandimut angalassapput.

Anngunniunnermi siullermi inissat pingasut unammissutigineqassapput, Johannes Grothip Mexico, USA aamma Puerto Rico unammiuaarnermi unammillernarnerpaassanerpai.

Anngunniunnermi unammisartut iluatsitsissagunik, unammisartut nunarsuarmi pissartanngorniunnermut anngunniunnermi juunimi, Canadami pisussami peqataassapput.

Unammisartut toqqarneqartut aqqi uani takukkit:

  • Nivi Fly
  • Rina Lorentzen
  • Aviaja Heilmann
  • Atiinnguaq Enoksen
  • Paninnguaq Larsen
  • Anja Heilmann
  • Andrea Andreassen
  • Pilunnguaq Broberg
  • Nuunu M. Lukassen
  • Ruth Kreutzmann
  • Ajaaja Bech Jørgensen
  • Navarana Davidsen
  • Ulla Kleist
  • Sara B. Egede
  • Lykke F. Hansen
  • Panu P. Grønvold
  • Clara Nielsen
  • Nivi Silassen
  • Aimannguaq Larsen
  • Tippu Rafaelsen
  • Pilunnguaq Olsen
  • Ane Pipaluk Rasmussen
  • Anja Salsø
  • Ivalu Bjerge
  • Kathrine F. Mikkelsen
  • Mia Egede Rasmussen
  • Paneeraq Larsen
  • Najaaja A. Lyberth
  • Christina Lange
  • Maliina Chemnitz Tittussen
  • Ivaana Holm
  • Nivi Berthelsen
  • Arnannguaq Steenholdt
  • Nivi Efraimsen Heilmann
  • Nini Mølgaard

Nunanut allanut unammisartut nukittorsarneqarlutik ilaneqarnikuupput. Unammisartoq kina pineqarnersoq AG-mi uani sapaatip-akunneraneersumi atuaruk, taanna uani pisiarisinnaavat:

Powered by Labrador CMS