Skip to main content

Aqqaluk Lynge: Kalaallit Nunaat silap pissusia pillugu politikkikkut kinguaattooqqavoq

CO2-mik aniatitsisoqarnerata annikillisarneqarnissaanik suliniuteqarnermut Kalaallit Nunaatta tungaanit peqataajumannginneq ajornartorsiutip annertussusianik takunnikkumannginneruvoq isumakulunnartoq. Taamak isumaqarpoq atuakkiortoq Aqqaluk Lynge, silap pissusia pillugu arfininngormat ulloqartitsinermi pingaarnertut oqalugiartuusoq

Silap pissusia pillugu politikkimut tunngatillugu Naalakkersuisut kinguaattooqqapput, atuakkiortoq Aqqaluk Lynge taama isumaqarpoq.

Aviisi Sermitsiaq taama allaaserisaqarpoq.

Inuussutissarsiornikkut ineriartorneq silap pissusia pillugu anguniagartuumik politikkeqarneq ataatsimoortinneqarsinnaasut, Aqqaluk Lynge taama isumaqarpoq.

– Oqaatigisassaavoq nunarsuup sinnerani klimap allanngornera pillugu oqallinnermi Kalaallit Nunaat qitiulluinnarmat allaat klimap allanngortup aallarnerfiatut taaneqartarluni, Ground Zero of Climate Change. Tamanna peqqutigalugu ilimagineqassagaluarpoq uagut Nunatsinni siullerpaalluta torrallatavissuarmik politikkeqassagaluartugut soorlumi issittormiuugatta aamma ilimagigipput issittoq pillugu politikkerput pitsaanerpaassasoq. Ajoraluartumilli aamma tassuuna nunarsuarmioqativut pakatsisippagut Parisimi isumaqatigiissut 1,5 gradimik kissatsinnerpaaffiliineq akerleralugu Nunarput Parisimi isumaqatigiissummut peqataajumanngimmat naalagaaffiit, uatsinnut assersuukkuminaalluinnartut  ikittuinnannguit ilagalugit. Nunatta oqartussaasuisa nunarsuarmi klima pillugu akiuiniarnermi ilaajumannginerat peqquteqarpoq avatangiisinik mingutsitsinnginnissamik piumasaqaatit nunatta aatsitassarsiornermi naammassisinnaassanngimmagit, Aqqaluk Lynge oqalugiaammini erseqqissaavoq.

Silap pissusia pillugu ulloqartitsineq pillugu aviisimi Sermitsiami paasisaqarnerugit, tassunga uani ataani linki atorlugu isissutissarsisinnaavutit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER