Skip to main content

Aqqaluaq: Aalisartut peqataalertariaqarput

Kujataani aalisartut aalisarnermut inatsisissap oqallisigineqarnerani peqataalertariaqartut, piniarnermut aalisarnermullu Naalakkersuisoq noqqaassuteqarpoq.

Aalisarneq pillugu inatsisissamut nutaamut isumaliutissiissut Inatsisartuni 2022-mi ukiakkut saqqummiunneqarlunilu oqaluuserineqarumaartoq, Naalakkersuisut naatsorsuutigaat. Taannalu sioqqullugu Nunatsinni aalisartut qanoq oqaasissaqarnersut, Aalisarnermut Naalakkersuisup Aqqaluaq B. Egedep tusaarusuppaa.  

- Aalisartut oqallinnermut sunniuteqaqataassariaqarput, isumaliutissiissullu saqqummiunneqariarpat, taanna pillugu oqallittoqalerpat partiit isummaminnik oqaatiginnittarumaarput, aalisartut namminneerlutik inuussutissarsiuteqartuusutut sunniuteqartariaqarput, Piniarnermut Aalisarnermullu Naalakkersuisoq oqarpoq. 

Aalisartunut kajumissaarut

Aalisarnermut inatsisissamut ukiorpassuarni atuuttussamut aalisartut oqalliseqataanissaat peqataanissaallu Naalakkersuisup aalisartunut kaammattuutigaa. 

- Oqaatigineqartoq soqutaarpianngitsutut oqaatigineqarsinnaagaluartoq taamaattoq politikerinut tamanna pingaaruteqarluinnarpoq. Aamma isumaqarpunga ataatsimiititaliarsuup sulinerata nalaani innuttaasut nipangersimasariaqanngitsut, akuunatik nipangersimaannarunik tamanna tamat oqartussaaqataanerinut innarliillunilu navianartuuvoq, Aqqaluaq B. Egede oqarpoq. 

Aalisarnermut ataatsimiititaliarsuut oqaaseqaatit tunuliaqutissiisut apriilimi 2021-mi saqqummiuppaat. Tassani ilaatigut erserpoq qaleralinniarfimmi aqutsiveqarfik 47-mi qaleralinniarneq ajalusoornissaa avaqqunneqarsinnaanngitsoq. 

LÆS OGSÅ: Qalerallit pillugit allagaatit: Ajalusoornissaa avaqqunneqarsinnaanngitsoq

- Ataatsimiititaliarsuarmi ilaasortat assigiinngitsumik tunuliaquteqarmata qularinngilara tamat piumasaat tunngavigalugit aaqqiisoqarumaartoq. Taamaattumik pingaaruteqarluinnarpoq Inatsisartut taama pingaaruteqarluinnartigisumik ukiorpassuarnilu atasussamik inatsiseqalernissap aalajangiutinnginnerani aalisartut sumiiffimminni oqaatigisaat aamma tusarniarneqartariaqassasut, Aqqaluaq B. Egede oqarpoq. 

Aalisarnermut ataatsimiititaliarsuup innersuussutini Naalakkersuisunut augustimi tunniutissallugu naatsorsuutigaa, tunniunneqariarpat avammut saqqummiunneqarnissaa aamma naatsorsuutigineqarpoq. 

LÆS OGSÅ: Aalisarneq: Aalisarnermik aatsaavissuaq qulaajaasimaneq saqqummiunneqarpoq

Aalisarnermut ataatsimiititaliarsuup Nunatsinni aalisarneq taassumallu iluani inuussutissarsiorneq iternga tikillugu misissussagaat Naalakkersuisuusismasunit ukiut marluk matuma siorna suliakkiutigineqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER