Aatsitassanut inatsisip nutaap akuerineqarnissaanik suliaqarnermini sakkortuumik isornartorsiorneqareerluni, Aqqaluaq B. Egedep akisussaaffik iperarlugu Naaja Nathanielsenimut ingerlateqqinnera naleqqutissaaq, taassuma maanna aningaasaqarnermut naligiissitaanermullu naalakkersuisoqarfimmut akisussaasup siornatigut taanna akisussaaffigereersimavaa.

Taamaalilluni Naaja Nathanielsen suliassaqarferujussuarmik naalakkersuisoqarfimminut ilanngussaqaqqippoq. Naligiissitaanermut suliassaqarfimmut annertoorsuunngitsumut kinguneqarumaarnersoq piffissap takutikkumaarpaa.

Peter Olsenip sapaatip akunnerata siuliani suliassaqarfiit tunuarfigissallugit aalajangigai Aqqaluaq B. Egedemit illuanik tiguneqassapput, taanna maannamit timersornermut, kultureqarnermut, ilinniartitaanermut ilageeqarnermullu naalakkersuisunngussaaq.

Peqqinnissaq meeqqallu ukkatarinerullugit

Kisianni naalakkersuisoqarfiit agguataarneqarneranni allamik aamma allannguuteqartoqassaaq. Naalakkersuisup Mimi Karlsenip piffissami peqqissutsimut naalakkersuisoqarfik aallunnerulissavaa. Ilaatigut Peqqinnissaq pillugu Ataatsimiititaliarsuup isumaliutissiissutaa quppernerpassuaqartoq qanittukkut piareerneqartoq. Tamatumalu kinguneranik meeqqanut, inuusuttunut ilaqutariinnullu naalakkersuisoqarfiup Aqqaluaq B. Egedemut nuunneqarput. Taannali aaqqiissutaannaagallarpoq.

Ukiamut ataatsimiittoqarnerani Múte B. Egede naalakkersuisumik nutaamik, suliassaqarfimmik taassuminnga tamakkiisumik suliaqartussamik saqqummiussaqassaaq.

Múte B. Egedep siulittaasuunerata aallartinneranit suliassaqarfik immikkut naalakkersuisoqarfiussasoq siunertarineqaraluarpoq, kisiannik Eqaluk Høeghip uippakajaarluni sulinngiffeqarnerani naalakkersuisoqarfik allamut

LÆS OGSÅ: Eqaluk Høegh Naalakkersuisutut tunuarpoq

ilanngunneqarallarnikuuvoq.

2021-mi qinersisoqarnerata kingorna Múte B. Egedep naalakkersuisuutitai siulliit uani allaaserisami ataani takukkit:

LÆS OGSÅ: Mútep aajuku Naalakkersuisuutitai