KL

DK

Aqqaluaq B. Egede Polar Seafoodimit isornartorsiuineq pillugu: – Unioqqutitsilluni pisanik pisiortorneq maleruagassanik unioqqutitseqataaneruvoq

Naalakkersuisoq Aqqaluaq B. Egede oqarpoq, Naalakkersuisut nalunaarut nutaaq aqqutigalugu unioqqutitsilluni aalisarneq akiorniarniaraat. Taamaattumik Polar Seafood aalisakkanik unioqqutitsilluni pisanik pisiortorsinnaanngilaq.

Aqqaluaq B. Egede erseqqissaavoq, nalunaarut pillugu suliami naalakkersuisoqarfik aalisarnermik inuussutissarsiuteqartunut tusaaniartorujussuusimasoq. Assersuutigalugu tusarniaaneq sapaatip-akunnerinit sisamanit arfinilinnut sivitsorneqarsimavoq, aalisarnermillu inuussutissarsiuteqartut tamatuma kingorna marloriarluni ataatsimeeqatigineqarsimallutik.
Redaktionen

Aalisarnermut Piniarnermullu Naalakkersuisoq, Aqqaluaq B. Egede, IA, aalisakkanik unioqqutitsilluni pisanik pisiortorneq eqqarsaatigalugu ersarissumik oqaaseqarpoq. Aalisakkanik tunisassiortut avammullu nioqquteqartartut, assersuutigalugu Polar Seafood, taamaaliorpata, tamanna tillitanik atueqataanerussaaq.

Taanna Sermitsiamut allakkatigut akissummi taama oqarpoq, Sermitsiap aalisarnermut naalakkersuisoq qinnuigisimammagu aalisarnermik nakkutilliinermut malittarisassat nutaat nunatsinni aalisakkanik avammut nioqquteqartartut annerpaartaasa ilaannit Polar Seafoodimit sakkortoorujussuarmik isornartorsiorneqarnerat pillugu oqaaseqaqqullugu.

Kisianni naalakkersuisup Aqqaluaq B. Egedep Polar Seafoodip aalisartunut tunisisarnermik unitsisinissamik sioorasaarutaa pillugu qanoq isumaqarnerminik apeqqut akissuteqarfiginngilaa.

Læs hele artiklen i ugens Sermitsiaq, som du kan købe herunder:

aalisarneq piniarnerlu inuiagatigiit nunatsinnit
Powered by Labrador CMS