kommuninut qinersineq
Aqqalu Jerimiassen: Isumaqatiginninniarnerni aajuku piumasaqaatikka
Qaasuitsoq Avannarlermi taaguunneqarnerpaaq, Aqqalu Jerimiassen (A), ilaatigut borgmesterimut sinniisunngorumavoq
- Ippassaq (sisamanngornermi, aaqq.) Siumut isumaqatiginninniarfiginikuuagut, partiimullu piumasagut saqqummiuppagut.
Kommuninut qinersinermi Qaasuitsoq Avannarlermi tupaallatsitsisoq, Aqqalu Jerimiassen (A), qinersinermi 530-nit taaguunneqartoq taama oqarpoq.
- Sapinngisaq tamaat sunniuteqarniarpugut. Ataatsimiititaliani siulittaasuuffeqarusuppugut, taaguunneqarnerpaagamalu borgmesterimut sinniisuunissara piumasaqaatigaarput, Aqqalu Jerimiassen oqarpoq.
Atuaruk: Qinersinermi taaguunneqarluartoq nuannaaqaaq
Ullumikkut tallimanngornermi kingusinnerusukkut isumaqatiginninniartoqaqqissaaq, Aqqalu Jerimiassen ilisimatitsivoq.
Qaasuitsoq Avannarlermi kommunissami kommunalbestyrelsimi 17-inik inissaqarpoq.
Siumut qinersinermi qulingiluanik qinigaatitaqarpoq, Atassut pingasut, Inuit Ataqatigiit aamma Partii Naleraq marluk, Demokraatillu ataaseq.
Atuaruk: Qaasuitsoq Avannarlermi ilaasortanngortut