Aputip sisoorsinnaanera kajumissutsimik suliaqartut nakkutigissavaat
Norskit appiata Kalaallit Nunaata qaqqaaniinnissaq isumannaannerulersissavaa.
Kalaallit Nunaanni aputip sisoorneranit ajoqusernerit qujanartumik amerlanngillat kisiannili taamaattoqarsinnaalluni. Suliniutip nutaap taamaattoqaratarsinnaanera pinaveersaartissavaa, sisorartartunut qamuteralannillu angalaartartunut aputip sisooratarsinnaaneranik kalerrisaarummik appimik peqalerneratigut – siullermik Nuup Sisimiullu eqqaani.
Taama aviisi Sermitsiaq allappoq.
Akissarsiutigalugu sangusaartartuusimasup silamilu timersortitsisartup Arne Hardenbergip takornarialerisunik Greenland Extrememik ingerlatsisup suliniutigaa. Sangusaartartutut aningaasarsiuteqarnermi nalaani Sverigemi Norgemilu najugaqarnikuuvoq – taakkunanngaanniillu misilittakkani aallaavigalugit peqatigiiffik Greenland Winter Warning Association pilersinnissaa isumassarsiaraa, tassa aputip sisooratarsinnaaneranik kalerrisaarummik Kalaallit Nunaanni atorsinnaasumik peqalersitsissalluni.
Appimik Norgemi sananeqartumik kialluunniit oqarasuaatimini angallattakkami aasinnaasaanik atulersitsinissaq suliniutaavoq. Nittartakkami varsom.no aaneqarsinnaavoq.
– Appi norskisooraluartoq paasissutissanik eqqortunik immersoraanni Kalaallit Nunaanni atorneqarsinnaakutsoorpoq, Arne Hardenberg nassuiaavoq.
Allaaserisaq tamaat Sermitsiami sapaatip-akunnerani saqqummersumi atuaruk, uani:
