Aputip sisoornera: Ilaqutariit akunnittarfimmiitinneqarput
Qaqortumi sumiiffimmi ippassaq aputip sisoorfigisaani angallattoqannginnissaa kommunip suli kajumissaarutigaa.
Ippassaq nalunaaqutaq 17.20-p missaani aputip sisoornerata kingorna, ilaqutariit pingasut Qaqortumi akunnittarfimmut inissikkallarneqarput. Kommune Kujalleq tusagassiuutinut nalunaarummi ilisimatitsivoq.
Aputip sisoornerani biilit marluk assakattartinneqartut ajoquserneqarput. Inunnik ajoqusertoqanngilaq.
Apummik sisusoqarsinnaanera ulorianaateqarmat, Hastrupvejimi aamma Peter Høegsvejemi angallattoqannginnissaanut kommuni kajumissaaruteqarpoq.
Ullaaq manna qaammariarpat upalungaarsimasut aput qaqqamiittoq nalilersorniarpaat. Tamatuma kingorna ilaqutariit qimagussortinneqartut angerlarsinnaanersut aalajangiiffigineqassaaq.
Aputaajaatit pingasut erngertumik ippassaq unnukkut aputaajaatikkiairtorneqarput, taamaalilluni illut tikinneqarsinnaaniassammata.