appat
Appat manniinik mannissarneq inerteqqutaavoq
Appat manniinik mannissarneq inerteqqutaavoq unioqqutitsigaannilu akiliisitaasoqarsinnaavoq
Pinngortitaleriffiup ilisimatitsissutigaa Kujataani Ydre Kitsissuni appat ikiliartortut.
Appat ikiliartornerannut pissutaavoq tamaani unioqqutitsilluni mannissarniartarsimaneq.
Tamannalu inatsisinik unioqqutitsineruvoq, Namminersorlutik Oqartussat tusagassiorfinnut nalunaarutikkut allapput.
Akiliisitaasoqarsinnaavoq
– Naalakkersuisut erseqqissassavaat Kalaallit Nunaanni appat nungusaataanngitsumik atorneqarnissaannut innuttaasut tamarmik akisussaaqataammata, taamaasilluni aamma kinguaassatta siunissami timmissat kusanartut mamarluartullu nuannaarutigisarniassammatigit, Namminersorlutik Oqartussat allapput.
Aalisarnermut, Piniarnermut Nunalerinermullku Naalakkersuisoqarfiup erseqqissarpaa appat manniinik mannissarneq inerteqqutaammat, unioqqutsinerlu akiliisitsinermik kinguneqarsinnaasoq.