Appat eqqissisimatinneqannginnerat KNAPK-mit nuannaarutigineqarpoq

Aalisartut piniartullu kattuffiata KNAPK’p Naalakkersuisut nutaamik timmissat pillugit nalunaarutaani akor­ nusiipput, taannalu ukioq manna ulluni tallimaannarni atuuppoq Aalisarnermut piniarnermullu Naalak­ kersuisup Hans Enoksenip januaarip aallaqaataanniit appanniarneq unitsippaa, naak nalunaarutitoqqami februaarip 28­-ata tungaanut piniartoqarsinnaagaluartoq.

KNAPK akerliuvoq, Hans Enoksenilu ikaarsaariarnermi aalajangersaasariaqarlu­ ni, taamaalilluni februaarip naanissaanut nunatsinni tamarmi appanniartoqarsinnaal­ luni kingornalu timmissat pillugit nalunaa­ rut nutaaq atuutilerluni.

- Uumasorsiuut ukiuni qulini eqqissititsi­ soqavinnissaa siunnersuutigaat, tamannalu eqqarsaatigalugu Naalakkersuisut timmissat pillugit nalunaarutaat akuerisinnaavarput naak piniarfissat ullormilu pisaassat pillugit annertuumik sukaterisoqarsimagaluartoq, KNAPK­mi siulittaasoq Henrik Sandgreen Sermitsiamut oqarpoq.

Pinngortitaleriffimmit suliniaqatigiiffinnillu arlalinnit ilaatigut Nunarsuarmi pinngortitamik illersuiniaqatigiiffimmit WWF­imit qangalili innersuussutigineqarsimavoq timmissat nungutaanissaminnut ulorianar­torsiortut tamakkiisumik piniagaajunnaa­rallassasut

– Neriuutigisimagaluarparput Naalakker­ suisut appat eqqissisimatikkallassagaat, maannakkullu nalunaarut atuutilereerluni, nuannaarutigaarpulli uumasorsiuut Naalak­ kersuisunit tusaaniarneqassimammata ilor­ raallu tungaanut alloriartoqarluni, WWF­ip Kalaallit Nunaanni allaffianit Kaare Winther Hansen oqarpoq.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Sermitsiaq Uge 03 2017

Klik her for at læse