Sila
Apineq siulleq
Ukiaq manna siullermeersumik aperiikatappoq
Aggustiuinnaraluartoq aperiikatappoq.
Silasiortup Jesper Eriksenip apisarnera malinnaaffigeqqissaarpaa dmi.dk-mullu nalunaarsimavoq ukioq manna Kalaallit Nunaata avannaa apiaarsimasoq - aali suli taarsisalinngikkaluartoq.
– Kalaallit Nunaata avannaani seqineq suli kaaviinnaraluartoq ukioq manna naalagaaffeqatigiit avannarlersaani apiaarpoq. Aggustip 15-ianni Qaanaami, Svalbarditut avannarpasissusilimmi, ukiaq manna aput siulleq tuppoq, Jesper Eriksen oqarpoq.
Nunatsinnilu allami aamma apisimavoq. Aggustip 16-iata unnuaani ukioriartortoq tunumi malugineqarpoq. Tamanna pivoq Ittoqqortoormiini. Aamma Sisimiuni apisimasoq takuneqarsinnaavoq. Qaqqat qaavi apisimapput.