Skip to main content

Apersuineq: Aatsaat taama nukittutigaanga

Danmarkimi nukittunersaat pingajuat Kim Ujarak Lorentzen Sermitsiaq.AG-mit apersorneqarpoq

Danmarkimi nukittuneqqusaannermi Nunatsinni nukittunerpaaq angusarissaarluarpoq.

Tassani pingajuattut inissippoq, taamaasilluni Danmarkimi nukittunersaat pingajuanngorluni.

- Soorunami pitsaanerit akornanniinniarlunga peqataavunga. Unammersuaartoqalinnginnerani sungiusangaatsiarnikuuvunga, taamaattumik angusarissaarnera tulluusimaarutigaara. Iluatitsinerulaarsimasuuguma aappaattut inississimasinnaagaluarpunga, taamaattoq pingajuattut inissinnera nuannaarutigaara, Kim Ujarak Lorentzen Sermitsiaq.AG-mut oqarpoq.

Kivitsinermi ajugaasoq

Oqimaatsumik kivitsinermi, dødløftimik taasagaanni, ajugaanini nuannaarutigaa. 

- Unammersuaarnermi ajugaasoq Mikkel Leicht unammeriaatsimi tassani ukiorpassuarni ajugaaffigineqarnikuunngilaq, taamaattumik tassani ajugaanera tulluusimaarutigaara. Sungiusangaatsiarnikuuara, taamaasillungalu unammeriaatsimi tassani Danmarkimi nukittunerpaaffigalugu oqarsinnaalerlunga. Aatsaat taama nukittutigalunga misigisimavunga, oqarpoq.

Nunanut allanut unammiartoqqikkusuppoq

- Suna tullinnguullugu anguniassaviuk?

- Suli nalugallarpara, Allan Juhl oqaloqatigeqqaartariaqarpara suna anguniassanerlugu. Kisianni nunanut allanut unammiartoqqikkusuppunga. Sungiusarneq tamaannga killeqassanngilaq. Unammeriaatsit pitsaanerulerfigisinnaasakka pitsaanerulerfigerusuppakka, Kim Ujarak Lorentzen oqarpoq.

Taanna Nuummut angerlamut apuuppoq ataasinngormat, ilaquttaminit nalunngisaminillu tikilluaqquneqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER