Skip to main content

Apeqqutinik akissuteqartoq: Siumumit Martha Abelsen

Folketingimut qinigassanngortittut katillugit 17-iusut tamarmik apeqqutinik akinisaqarnissamik periarfissinneqarput. Siumumit Martha Abelsen akissuteqarpoq

Sermitsiaq.AG-mi atuartartut arlaqartut Folketingimut qineqqusaartunut apeqquteqarput. Apeqqutit pitsaanerpaat aaqqissuisoqarfimmit toqqarneqarput. 

Qineqqusaartut apeqqutit akisimalereeraangassuk nittartakkamut saqqummiunneqartassapput. Isumaqatigiissutaareersumit akissutigineqartut takinaarneqarsimagaangata akissutaat naalisarneqartassapput. 

- Statsministerissatut kina toqqarpiuk?

- Statsministeriusoq Helle Thorning-Schmidt.

- Periarfissinneqaruit Namminersornermut isumaqatigiissut nutarterusussaviuk? (Aap imaluunniit naamik)

- Namminersornermut isumaqatigiissutaasoq tunngavigalugu sulivugut. Suleqatigiinneq ineriartortinneqassappat tunngaviusoq naleqqussarneqassaaq.

- Danmarki sorsunnernut assigiinngitsunut iluatsiffiunngitsunut peqataasareerpoq. Naalagaaffeqatigiinnermi illersornissamut politikkikkut Kalaallit Nunaat sunniuteqaqataanerussava? (Aap imaluunniit naamik) 

- Naamik. Danmarkip illersornissakkut sulinera akuliuffigissanngilarput. 

- Kalaallit ilinniarluarsimasut Danmarkimi najugaqartuusut qanoq angerlartinneqassapat?

- Ilinniagaqartut siunnersortinit attaveqartalertariaqarput. Ilinniagaqartut angerlarnissaannut siunnersortit suliaqassapput. Siunnersuisarfeqaqqilernissaa Siumumit anguniarneqarpoq (akissutigineqartoq naalineqarpoq).

- Kalaallit Danmarkimi najugaqartunut pitsaanerusumik sullissisoqassava?

- Kalaallit Danmarkimi najugaqartut pitsaanerusumik ilanngutsinneqartalertariaqarput. Danskisut innuttaassuussuseqarnerput tassuuna atornerlunneqarpoq, pisariaqartitammi malillugit sullissisoqanngilaq (akissut naalineqarpoq)

- Naalagaaffeqatigiinnermi killeqarfitsigut aporfiit atorunnaarsinneqassappat? (Aap imaluunniit naamik) aamma suut peerneqarnissaat illit pingaarnerpaatippiuk?

- Aap sulissutigisassat amerlapput. Kalaalimerningit ajornannginnerusumik eqqunneqarsinnaalertariaqarput, aamma nunani avannarliusuni ilinniartitaanermi.

- Naalagaaffeqatigiinneq ineriartorteqqinneqassava? (Aap imalluunnit naamik) Qanoq?

- Naalagaaffeqatigiinnerup atajuarnissaa sulissutigineqassanngilaq. Naalagaaffeqatigiinnermi matumani periarfissaasinnaasut amerlineqartariaqarput. 

- Aleqa Hammondip Folketingimut qineqqusaarnera pissusissamisoorpa? (Aap imaluunniit naamik)

(Apeqqut akineqanngilaq)

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER